chaand ko rukhsat kar do
— Ali Sardar Jafri
Mere darvaaze se ab chaand ko rukhsat kar do
Saath aayaa hai tumhaare jo tumhaare ghar se
Apne maathe se haTaa do ye chamaktaa huaa taaj
Phenk do jism se kirnon kaa sunahraa zevar
Tum hee tanhaa mire gham-khaane men aa saktee ho
Ek muddat se tumhaare hee liye rakkhaa hai
Mere jalte hue siine kaa dahaktaa huaa chaand
Dil-e-khoon-gashta kaa hanstaa huaa khush-rang gulaab
Mere darwaze se ab chand ko ruKHsat kar do
Sath aaya hai tumhaare jo tumhaare ghar se
Apne mathe se haTa do ye chamakta hua taj
Phenk do jism se kirnon ka sunahra zewar
Tum hi tanha mere gham-KHane mein aa sakti ho
Ek muddat se tumhaare hi liye rakkha hai
Mere jalte hue sine ka dahakta hua chand
Dil-e-KHun-gashta ka hansta hua KHush-rang gulab