dostii kaa haath tumhaaraa haath badhaa hai jo dostii ke liye

Tumhaaraa haath baDhaa hai jo dostee ke liye Mire liye hai wo ik yaar-e-gham-gusaar kaa haath Vo haath shaakh-e-gul-e-gulshan-e-tamannaa hai Mahak raha hai mire haath men bahaar kaa haath Khudaa kare ki salaamat rahen ye haath apne Ataa hue hain jo zulfen sanvaarne ke liye Zameen se naqsh miTaane ko zulm o nafrat kaa Falak se chaand sitaare utaarne ke liye Zameen-e-paak hamaare jigar kaa TukDaa hai Hamen aziiz hai dehlee o lucknow kee tarah Tumhaare lahje men meree navaa kaa lahja hai Tumhaaraa dil hai haseen meree aarzoo kee tarah Karen ye ahd ki auzaar-e-jang jitne hain Unhen miTaanaa hai aur khaak men milaanaa hai Karen ye ahd ki arbaab-e-jang hain jitne Unhen sharaafat o insaaniyat sikhaanaa hai Ji.en tamaam haseenaan-e-khaibar-o-lahore Ji.en tamaam javaanaan-e-jannat-e-kashmeer Ho lab pe naghma-e-mahr-o-wafa kee taabaanee Kitaab-e-dil pe faqat harf-e-ishq ho tahreer Tum aao gulshan-e-lahore se chaman-bardosh Ham aa.en subh-e-banaaras kee raushnee le kar Himaaliya kee havaaon kee taazgee le kar Phir is ke baa'd ye poochhen ki kaun dushman hai Tumhaara hath baDha hai jo dosti ke liye Mere liye hai wo ek yar-e-gham-gusar ka hath Wo hath shaKH-e-gul-e-gulshan-e-tamanna hai Mahak raha hai mere hath mein bahaar ka hath KHuda kare ki salamat rahen ye hath apne Ata hue hain jo zulfen sanwarne ke liye Zamin se naqsh miTane ko zulm o nafrat ka Falak se chand sitare utarne ke liye Zamin-e-pak hamare jigar ka TukDa hai Hamein aziz hai dehli o lucknow ki tarah Tumhaare lahje mein meri nawa ka lahja hai Tumhaara dil hai hasin meri aarzu ki tarah Karen ye ahd ki auzar-e-jang jitne hain Unhen miTana hai aur KHak mein milana hai Karen ye ahd ki arbab-e-jang hain jitne Unhen sharafat o insaniyat sikhana hai Jien tamam hasinan-e-KHaibar-o-lahore Jien tamam jawanan-e-jannat-e-kashmir Ho lab pe naghma-e-mahr-o-wafa ki tabani Kitab-e-dil pe faqat harf-e-ishq ho tahrir Tum aao gulshan-e-lahore se chaman-bardosh Hum aaen subh-e-banaras ki raushni le kar Himaliya ki hawaon ki tazgi le kar Phir is ke ba'd ye puchhen ki kaun dushman hai