ek khvaab aur

Khvaab ab husn-e-tasavvur ke ufuq se hain pare Dil ke ik jazba-e-maasoom ne dekhe the jo khvaab Aur ta.abeeron ke tapte hue sahraaon men Tishnagee aabla-paa shola-ba-kaf mauj-e-saraab Ye to mumkin nahin bachpan kaa koi din mil jaa.e Yaa palaT aa.e koi saa.at-e-naayaab-e-shabaab PhuuT nikle kisee afsurda tabassum se kiran Yaa damak uTThe kisee dast-e-bureeda men gulaab Aah patthar kee lakeeren hain ki yaadon ke nuqoosh Kaun likh saktaa hai phir umr-e-guzishta kee kitaab Biite lamhaat ke so.e hue toofaanon men Tairte phirte hain phooTee huee aankhon ke hubaab Taabish-e-rang-e-shafaq aatish-e-roo-e-khursheed Mil ke chehre pe sahar aa.ee hai khoon-e-ahbaab Jaane kis moD pe kis raah men kya biitee hai Kis se mumkin hai tamannaaon ke zakhmon kaa hisaab Aasteenon ko pukaarenge kahaan tak aansoo Ab to daaman ko pakaDte hain lahoo ke girdaab Dekhtee phirtee hai ek ek munh khaamoshee Jaane kya baat hai sharminda hai andaaz-e-khitaab Dar-ba-dar Thokaren khaate hue phirte hain savaal Aur mujrim kee tarah un se gurezaan hai javaab Sarkashee phir main tujhe aaj sadaa deta hoon Main tiraa shaa.ir-e-aavaara o be-baak-o-kharaab Phenk phir jazba-e-be-taab kee aalam pe kamand Ek khvaab aur bhee ai himmat-e-dushvaar-pasand KHwab ab husn-e-tasawwur ke ufuq se hain pare Dil ke ek jazba-e-masum ne dekhe the jo KHwab Aur tabiron ke tapte hue sahraon mein Tishnagi aabla-pa shola-ba-kaf mauj-e-sarab Ye to mumkin nahin bachpan ka koi din mil jae Ya palaT aae koi saat-e-nayab-e-shabab PhuT nikle kisi afsurda tabassum se kiran Ya damak uTThe kisi dast-e-burida mein gulab Aah patthar ki lakiren hain ki yaadon ke nuqush Kaun likh sakta hai phir umr-e-guzishta ki kitab Bite lamhat ke soe hue tufanon mein Tairte phirte hain phuTi hui aankhon ke hubab Tabish-e-rang-e-shafaq aatish-e-ru-e-KHurshid Mil ke chehre pe sahar aai hai KHun-e-ahbab Jaane kis moD pe kis rah mein kya biti hai Kis se mumkin hai tamannaon ke zaKHmon ka hisab Aastinon ko pukarenge kahan tak aansu Ab to daman ko pakaDte hain lahu ke girdab Dekhti phirti hai ek ek munh KHamoshi Jaane kya baat hai sharminda hai andaz-e-KHitab Dar-ba-dar Thokaren khate hue phirte hain sawal Aur mujrim ki tarah un se gurezan hai jawab Sarkashi phir main tujhe aaj sada deta hun Main tera shair-e-awara o be-bak-o-KHarab Phenk phir jazba-e-be-tab ki aalam pe kamand Ek KHwab aur bhi ai himmat-e-dushwar-pasand