fareb

(1) Naa-gahaan shor huaa Lo shab-e-taar-e-ghulaamee kee sahar aa pahunchee Ungliyaan jaag uTheen Barbat o taa.oos ne Angdhaai lee Aur mutrib kee hathelee se shuaa.en phooTeen Khil ga.e saaz men naghmon ke mahakte hue phuul Log chillaa.e ki fariyaad ke din biit ga.e Raahzan haar ga.e Raah-rau jiit ga.e Qaafile duur the manzil se bahut duur magar Khud-farebee kee ghanee Chaaon men dam lene lage Chun liyaa raah ke rezon ko khazaf-rezon ko Aur samajh baiThe ki bas la.al-o-javaahar hain yahee Raahzan hansne lage chhup ke kameen-gaahon men Ham-nasheen ye tha farangee kee firaasat kaa tilism Rahbar-e-qaum kee naakaara qayaadat kaa fareb Ham ne aazurdagee-e-shauq ko manzil jaanaa Apnee hee gard-e-sar-e-raah ko mahmil jaanaa Gardish-e-halqa-e-gardaab ko saahil jaanaa Ab jidhar dekho udhar maut hee manDlaatee hai Dar-o-deevaar se rone kee sadaa aatee hai Khvaab zakhmee hain umangon ke kaleje chhalnee Mere daaman men hain zakhmon ke dahakte hue phuul Khuun men luThDe hue phuul Main jinhen koocha-o-baazaar se chun laayaa hoon Qaum ke raahbaro raahzanon Apne aivaan-e-hukoomat men sajaa lo in ko Apne guldaan-e-siyaasat men lagaa lo in ko Apnee sad-saala tamannaaon kaa haasil hai yahee Mauj-e-paayaab kaa saahil hai yahee Tum ne firdaus ke badle men jahannam le kar Kah diyaa ham se gulistaan men bahaar aa.ee hai Chand sikkon ke evaz chand milon kee khaatir Tum ne naamoos-e-shaheedaan-e-vatan bech diyaa Baaghbaan ban ke uThe aur chaman biich diyaa (2) Kaun aazaad huaa? Kis ke maathe se siyaahi chhooTee Mere siine men abhee dard hai mahkoomee kaa Mother-e-hind ke chehre pe udaasee hai vahee Khanjar aazaad hain seenon men utarne ke liye Maut aazaad hai laashon pe guzarne ke liye Chor-baazaaron men bad-shakl chuDailon kee tarah Qeematen kaalee dukaanon pe khaDee rahtee hain Har khareedaar kee jebon ko katarne ke liye Kaar-khaanon pe lagaa rahtaa hai Saans letee huee laashon kaa hujoom Biich men un ke phiraa kartee hai bekaaree bhee Apnaa khunkhaar dahan khole hue Aur sone ke chamakte sikke Dank uThaa.e hue phan phailaa.e Ruuh aur dil pe chalaa karte hain Mulk aur qaum ko din raat Dasaa karte hain RoTiyaan chaklon kee qahbaa.en hain Jin ko sarmaaya ke dallaalon ne Naf.a-khoree ke jharokon men sajaa rakhaa hai Baaliyaan dhaan kee gehoon ke sunahre khoshe Misr o yoonaan ke majboor ghulaamon kee tarah Ajnabee des ke baazaaron men bik jaate hain Aur bad-bakht kisaanon kee bilaktee huee ruuh Apne aflaas men munh Dhaanp ke so jaatee hai Ham kahaan jaa.en kahen kis se ki naadaar hain ham Kis ko samjhaa.en ghulaamee ke gunahgaar hain ham Tauq khud ham ne pahnaa rakkhaa hai armaanon ko Apne siine men jakaD rakkhaa toofaanon ko Ab bhee zindaan-e-ghulaamee se nikal sakte hain Apnee taqdeer ko ham aap badal sakte hain (3) Aaj phir hotee hain zakhmon se zubanein paidaa Teera-o-taar fazaaon se barsaataa hai lahoo Raah kee gard ke neeche se ubharte hain qadam Taare aakaash pe kamzor habaabon kee tarah Shab ke sailaab-e-siyaahi men bahe jaate hain PhooTne vaalee hai mazdoor ke maathe se kiran Surkh parcham ufuq-e-sub.h pe lahraate hain (1) Na-gahan shor hua Lo shab-e-tar-e-ghulami ki sahar aa pahunchi Ungliyan jag uThin Barbat o taus ne angDai li Aur mutrib ki hatheli se shuaen phuTin Khil gae saz mein naghmon ke mahakte hue phul Log chillae ki fariyaad ke din bit gae Rahzan haar gae Rah-rau jit gae Qafile dur the manzil se bahut dur magar KHud-farebi ki ghani chhanw mein dam lene lage Chun liya rah ke rezon ko KHazaf-rezon ko Aur samajh baiThe ki bas lal-o-jawahar hain yahi Rahzan hansne lage chhup ke kamin-gahon mein Ham-nashin ye tha farangi ki firasat ka tilism Rahbar-e-qaum ki nakara qayaadat ka fareb Hum ne aazurdagi-e-shauq ko manzil jaana Apni hi gard-e-sar-e-rah ko mahmil jaana Gardish-e-halqa-e-gardab ko sahil jaana Ab jidhar dekho udhar maut hi manDlati hai Dar-o-diwar se rone ki sada aati hai KHwab zaKHmi hain umangon ke kaleje chhalni Mere daman mein hain zaKHmon ke dahakte hue phul KHun mein luThDe hue phul Main jinhen kucha-o-bazar se chun laya hun Qaum ke rahbaro rahzanon Apne aiwan-e-hukumat mein saja lo in ko Apne guldan-e-siyasat mein laga lo in ko Apni sad-sala tamannaon ka hasil hai yahi Mauj-e-payab ka sahil hai yahi Tum ne firdaus ke badle mein jahannam le kar Kah diya hum se gulistan mein bahaar aai hai Chand sikkon ke ewaz chand milon ki KHatir Tum ne namus-e-shahidan-e-watan bech diya Baghban ban ke uThe aur chaman bich diya (2) Kaun aazad hua? Kis ke mathe se siyahi chhuTi Mere sine mein abhi dard hai mahkumi ka Mother-e-hind ke chehre pe udasi hai wahi KHanjar aazad hain sinon mein utarne ke liye Maut aazad hai lashon pe guzarne ke liye Chor-bazaron mein bad-shakl chuDailon ki tarah Qimaten kali dukanon pe khaDi rahti hain Har KHaridar ki jebon ko katarne ke liye Kar-KHanon pe laga rehta hai Sans leti hui lashon ka hujum Bich mein un ke phira karti hai bekari bhi Apna KHunKHar dahan khole hue Aur sone ke chamakte sikke Dank uThae hue phan phailae Ruh aur dil pe chala karte hain Mulk aur qaum ko din raat Dasa karte hain RoTiyan chaklon ki qahbaen hain Jin ko sarmaya ke dallalon ne Nafa-KHori ke jharokon mein saja rakha hai Baaliyan dhan ki gehun ke sunahre KHoshe Misr o yunan ke majbur ghulamon ki tarah Ajnabi des ke bazaron mein bik jate hain Aur bad-baKHt kisanon ki bilakti hui ruh Apne aflas mein munh Dhanp ke so jati hai Hum kahan jaen kahen kis se ki nadar hain hum Kis ko samjhaen ghulami ke gunahgar hain hum Tauq KHud hum ne pahna rakkha hai armanon ko Apne sine mein jakaD rakkha tufanon ko Ab bhi zindan-e-ghulami se nikal sakte hain Apni taqdir ko hum aap badal sakte hain (3) Aaj phir hoti hain zaKHmon se zabanen paida Tira-o-tar fazaon se barsata hai lahu Rah ki gard ke niche se ubharte hain qadam Tare aakash pe kamzor hababon ki tarah Shab ke sailab-e-siyahi mein bahe jate hain PhuTne wali hai mazdur ke mathe se kiran SurKH parcham ufuq-e-subh pe lahraate hain