fasl e gul fasl e khizaan jo bhi ho khush dil rahiye

Fasl-e-gul fasl-e-khizaan jo bhee ho khush-dil rahiye Koi mausam ho har ik rang men kaamil rahiye Mauj o girdaab o talaatum kaa taqaazaa hai Kuch aur Rahiye mohtaat to bas taa-lab-e-saahil rahiye Dekhte rahiye ki ho jaa.e na kam shaan-e-junoon Aa.ina ban ke khud apne hee muqaabil rahiye Un kee nazron ke sivaa sab kee nigaahen uTTheen Mahfil-e-yaar men bhee zeenat-e-mahfil rahiye Dil pe har haal men hai sohbat-e-naa-jins haraam Haif-sad-haif ki naa-jinson men shaamil rahiye Daagh siine kaa dahaktaa rahe jaltaa rahe dil Raat baaqee hai jahaan tak mah-e-kaamil rahiye Jaaniye daulat-e-kaunain ko bhee jins-e-haqeer Aur dar-e-yaar pe ik bose ke saa.il rahiye Aashiqee sheva-e-rindaan-e-balaa-kash hai miyaan Vaj.h-e-shaa.istagee-e-khanjar-e-qaatil rahiye