guftuguu hind pak dostii ke naam guftuguu band na ho

Guftugoo band na ho Baat se baat chale Sub.h tak shaam-e-mulaaqaat chale Ham pe hanstee huee ye taaron bharee raat chale Hon jo alfaaz ke haathon men hain sang-e-dushnaam Tanz chhalkaa.e to chhalkaayaa kare zahr ke jaam Teekhee nazren hon tursh abroo-e-khamdaar rahen Ban paDe jaise bhee dil seenon men bedaar rahen Bebasee harf ko zanjeer-ba-paa kar na sake Koee qaatil ho magar qatl-e-navaa kar na sake Sub.h tak Dhal ke koi harf-e-wafa aa.egaa Ishq aa.egaa ba-sad laghzish-e-paa aa.egaa Nazren jhuk jaa.engee dil dhaDke.enge lab kaanpenge Khaamushee bosa-e-lab ban ke mahak jaa.egee Sirf ghunchon ke chaTakne kee sadaa aa.egee Aur phir harf-o-navaa kee na zaroorat hogee Chashm o abroo ke ishaaron men mohabbat hogee Nafrat uTh jaa.egee mehmaan muravvat hogee Haath men haath liye sara jahaan saath liye Tohfa-e-dard liye pyaar kee saughaat liye Regzaaron se adaavat ke guzar jaa.enge Khuun ke dariyaaon se ham paar utar jaa.enge Guftugoo band na ho Baat se baat chale Sub.h tak shaam-e-mulaaqaat chale Ham pe hanstee huee ye taaron bharee raat chale Guftugu band na ho Baat se baat chale Subh tak sham-e-mulaqat chale Hum pe hansti hui ye taron bhari raat chale Hon jo alfaz ke hathon mein hain sang-e-dushnam Tanz chhalkae to chhalkaya kare zahr ke jam Tikhi nazren hon tursh abru-e-KHamdar rahen Ban paDe jaise bhi dil sinon mein bedar rahen Bebasi harf ko zanjir-ba-pa kar na sake Koi qatil ho magar qatl-e-nawa kar na sake Subh tak Dhal ke koi harf-e-wafa aaega Ishq aaega ba-sad laghzish-e-pa aaega Nazren jhuk jaengi dil dhaDkeenge lab kanpenge KHamushi bosa-e-lab ban ke mahak jaegi Sirf ghunchon ke chaTakne ki sada aaegi Aur phir harf-o-nawa ki na zarurat hogi Chashm o abru ke ishaaron mein mohabbat hogi Nafrat uTh jaegi mehman murawwat hogi Hath mein hath liye sara jahan sath liye Tohfa-e-dard liye pyar ki saughat liye Regzaron se adawat ke guzar jaenge KHun ke dariyaon se hum par utar jaenge Guftugu band na ho Baat se baat chale Subh tak sham-e-mulaqat chale Hum pe hansti hui ye taron bhari raat chale