haathon kaa taraana

In haathon kee taazeem karo In haathon kee takreem karo Duniyaa ke chalaane vaale hain In haathon ko tasleem karo Taareekh ke aur masheenon ke pahiyon kee ravaanee in se hai Tahzeeb kee aur tamaddun kee bharpoor javaanee in se hai Duniyaa kaa fasaana in se hai, insaan kee kahaanee in se hai In haathon kee taazeem karo Sadiyon se guzar kar aa.e hain, ye nek aur bad ko jaante hain Ye dost hain saare aalam ke, par dushman ko pahchaante hain Khud shaktee kaa autaar hain, ye kab ghair kee shaktee maante hain In haathon ko taazeem karo Ek zakhm hamaare haathon ke, ye phuul jo hain gul-daanon men Sookhe hue pyaase chulloo the, jo jaam hain ab mai-khaanon men TuuTee huee sau angDaa.iyon kee mehraaben hain aivaanon men In haathon kee taazeem karo Raahon kee sunahree raushniyaan, bijlee ke jo phaile daaman men Faanoos haseen aivaanon ke, jo rang-o-noor ke khirman men Ye haath hamaare jalte hain, ye haath hamaare raushan hain In haathon kee taazeem karo Khaamosh hain ye khaamoshee se, so barbat-o-chang banaate hain Taaron men raag sulaate hain, tablon men bol chhupaate hain Jab saaz men jumbish hotee hai, tab haath hamaare gaate hain In haathon kee taazeem karo E.ajaaz hai ye in haathon kaa, resham ko chhuen to aanchal hai Patthar ko chhuen to but kar den, kaalakh ko chhuen to kaajal hai MiTTee ko chhuen to sonaa hai, chaandee ko chhuen to paayal hai In haathon kee taazeem karo Bahtee huee bijlee kee lahren, simTe hue gangaa ke dhaare Dhartee ke muqaddar ke maalik, mehnat ke ufuq ke sayyaare Ye chaaragaraan-e-dard-e-jahaan, sadiyon se magar khud bechaare In haathon kee taazeem karo Takhleeq ye soz-e-mehnat ki, aur fitrat ke shahkaar bhee hain Maidaan-e-amal men lekin khud, ye khaaliq bhee me.amaar bhee hain Phoolon se bharee ye shaakh bhee hain aur chaltee huee talvaar bhee hain In haathon kee taazeem karo Ye haath na hoon to mohmal sab, tahreeren aur taqreeren hain Ye haath na hon to be-ma.anee insaanon kee taqreeren hain Sab hikmat-o-daanish ilm-o-hunar in haathon kee tafseeren hain In haathon kee ta.azeem karo Ye kitne subuk aur naazuk hain, ye kitne siDaul aur achchhe hain Chaalaakee men ustaad hain ye aur bhole-pan men bachche hain Is jhuuT kee gandee dunya men bas haath hamaare sachche hain In haathon kee taazeem karo Ye sarhad sarhad juDte hain aur mulkon mulkon jaate hain Baanhon men baanhen Daalte hain aur dil se dil ko milaate hain Phir zulm-o-sitam ke pairon kee zanjeer-e-giraan ban jaate hain In haathon kee ta.azeem karo Ta.ameer to in kee fitrat hai, ik aur na.ee ta.ameer sahee Ik aur na.ee tadbeer sahee, ik aur na.ee taqdeer sahee Ik shokh o haseen khvaab aur sahee ik shokh o haseen ta.abeer sahee In haathon kee ta.azeem karo In haathon kee takreem karo Duniyaa ko chalaane vaale hain In haathon ko tasleem karo In hathon ki tazim karo In hathon ki takrim karo Duniya ke chalane wale hain In hathon ko taslim karo TariKH ke aur mashinon ke pahiyon ki rawani in se hai Tahzib ki aur tamaddun ki bharpur jawani in se hai Duniya ka fasana in se hai, insan ki kahani in se hai In hathon ki tazim karo Sadiyon se guzar kar aae hain, ye nek aur bad ko jaante hain Ye dost hain sare aalam ke, par dushman ko pahchante hain KHud shakti ka autar hain, ye kab ghair ki shakti mante hain In hathon ko tazim karo Ek zaKHm hamare hathon ke, ye phul jo hain gul-danon mein Sukhe hue pyase chullu the, jo jam hain ab mai-KHanon mein TuTi hui sau angDaiyon ki mehraben hain aiwanon mein In hathon ki tazim karo Rahon ki sunahri raushniyan, bijli ke jo phaile daman mein Fanus hasin aiwanon ke, jo rang-o-nur ke KHirman mein Ye hath hamare jalte hain, ye hath hamare raushan hain In hathon ki tazim karo KHamosh hain ye KHamoshi se, so barbat-o-chang banate hain Taron mein rag sulate hain, tablon mein bol chhupate hain Jab saz mein jumbish hoti hai, tab hath hamare gate hain In hathon ki tazim karo Eajaz hai ye in hathon ka, resham ko chhuen to aanchal hai Patthar ko chhuen to but kar den, kalakh ko chhuen to kajal hai MiTTi ko chhuen to sona hai, chandi ko chhuen to payal hai In hathon ki tazim karo Bahti hui bijli ki lahren, simTe hue ganga ke dhaare Dharti ke muqaddar ke malik, mehnat ke ufuq ke sayyare Ye chaaragaran-e-dard-e-jahan, sadiyon se magar KHud bechaare In hathon ki tazim karo TaKHliq ye soz-e-mehnat ki, aur fitrat ke shahkar bhi hain Maidan-e-amal mein lekin KHud, ye KHaliq bhi meamar bhi hain Phulon se bhari ye shaKH bhi hain aur chalti hui talwar bhi hain In hathon ki tazim karo Ye hath na hun to mohmal sab, tahriren aur taqriren hain Ye hath na hon to be-mani insanon ki taqriren hain Sab hikmat-o-danish ilm-o-hunar in hathon ki tafsiren hain In hathon ki tazim karo Ye kitne subuk aur nazuk hain, ye kitne siDaul aur achchhe hain Chaalaki mein ustad hain ye aur bhole-pan mein bachche hain Is jhuT ki gandi duniya mein bas hath hamare sachche hain In hathon ki tazim karo Ye sarhad sarhad juDte hain aur mulkon mulkon jate hain Banhon mein banhen Dalte hain aur dil se dil ko milate hain Phir zulm-o-sitam ke pairon ki zanjir-e-giran ban jate hain In hathon ki tazim karo Tamir to in ki fitrat hai, ek aur nai tamir sahi Ek aur nai tadbir sahi, ek aur nai taqdir sahi Ek shoKH o hasin KHwab aur sahi ek shoKH o hasin tabir sahi In hathon ki tazim karo In hathon ki takrim karo Duniya ko chalane wale hain In hathon ko taslim karo