harf e aakhir ye aadmii ki guzargaah e shaahraah e hayaat

Ye aadmee kee guzargaah-e-shaahraah-e-hayaat Hazaaron saal kaa baar-e-garaan uThaa.e hue Jabeen pe kaatib-e-taqdeer kee jalee tahreer Gale se saikDon naqsh-e-qadam lagaa.e hue Guzarte waqt ke gard-o-ghubaar ke neeche Haseen jism kee taabindagee chhupaa.e hue Guzishta daur kee tahzeeb kee manaazil ko Javaan maan kee tarah god men sulaa.e hue Ye aadmee kee guzargaah-e-shaahraah-e-hayaat Hazaaron saal kaa baar-e-garaan uThaa.e hue Idhar se guzre hain changez-o-naadir-o-taimoor Lahoo men bheegee huee mish.alen jalaa.e hue Ghulaamon aur kaneezon ke kaarvaan aa.e Khud apne khuun men Duube hue nahaa.e hue Shikasta dosh pe deevaar-e-cheen ko laade Saron pe misr ke ehraam ko uThaa.e hue Jalaal-e-shaikh-o-shikoh-e-barhamanee ke juloos Havas ke seenon men aatish-kade chhupaa.e hue Jahaalaton kee taveel-o-areez parchhaa.een Tavahhumaat kee taareekiyaan jagaa.e hue Safed qaum ke ayyaar taajiron ke giroh Fareb-o-makr se apnee dukaan sajaa.e hue Shikast-khurda siyaasee gadaagaron ke hujoom Adab se TuuTee huee gardanen jhukaa.e hue Ghamon se chuur musaafir thake hue raahee Charaagh-e-rooh ke dil ke kanval bujhaa.e hue Ye aadmee kee guzargaah-e-shaahraah-e-hayaat Hazaaron saal kaa baar-e-garaan uThaa.e hue Na.e ufuq se na.e qaafilon kee aamad hai Charaagh-e-waqt kee rangeen lau baDhaa.e hue Baghaavaton kee sipah inqalaab ke lashkar Zameen pe paanv falak pe nazar jamaa.e hue Ghuroor-e-fat.h ke parcham havaa men lahraate Sabaat-o-azm ke oonche alam uThaa.e hue Hatheliyon pe liye aaftaab aur mahtaab Baghal men kurra-e-arz-e-haseen dabaa.e hue UTho aur uTh ke inhen qaafilon men mil jaao Jo manzilon ko hain gard-e-safar banaa.e hue Qadam baDhaa.e hue hain mujaahidaan-e-vatan Mujaahidaan-e-vatan hain qadam baDhaa.e hue Ye aadmi ki guzargah-e-shahrah-e-hayat Hazaron sal ka bar-e-garan uThae hue Jabin pe katib-e-taqdir ki jali tahrir Gale se saikDon naqsh-e-qadam lagae hue Guzarte waqt ke gard-o-ghubar ke niche Hasin jism ki tabindagi chhupae hue Guzishta daur ki tahzib ki manazil ko Jawan man ki tarah god mein sulae hue Ye aadmi ki guzargah-e-shahrah-e-hayat Hazaron sal ka bar-e-garan uThae hue Idhar se guzre hain changez-o-nadir-o-taimur Lahu mein bhigi hui mishalen jalae hue Ghulamon aur kanizon ke karwan aae KHud apne KHun mein Dube hue nahae hue Shikasta dosh pe diwar-e-chin ko lade Saron pe misr ke ehram ko uThae hue Jalal-e-shaiKH-o-shikoh-e-barhamani ke julus Hawas ke sinon mein aatish-kade chhupae hue Jahaalaton ki tawil-o-ariz parchhain Tawahhumat ki tarikiyan jagae hue Safed qaum ke ayyar tajiron ke giroh Fareb-o-makr se apni dukan sajae hue Shikast-KHurda siyasi gadagaron ke hujum Adab se TuTi hui gardanen jhukae hue Ghamon se chur musafir thake hue rahi Charagh-e-ruh ke dil ke kanwal bujhae hue Ye aadmi ki guzargah-e-shahrah-e-hayat Hazaron sal ka bar-e-garan uThae hue Nae ufuq se nae qafilon ki aamad hai Charagh-e-waqt ki rangin lau baDhae hue Baghawaton ki sipah inqalab ke lashkar Zamin pe panw falak pe nazar jamae hue Ghurur-e-fath ke parcham hawa mein lahraate Sabaat-o-azm ke unche alam uThae hue Hatheliyon pe liye aaftab aur mahtab Baghal mein kurra-e-arz-e-hasin dabae hue UTho aur uTh ke inhen qafilon mein mil jao Jo manzilon ko hain gard-e-safar banae hue Qadam baDhae hue hain mujahidan-e-watan Mujahidan-e-watan hain qadam baDhae hue