hasiin tar

Kal ek too hogee aur ik main Koee raqeeb-e-rafeeq-soorat Koee rafeeq-e-raqeeb-saamaan Mire tire darmiyaan na hogaa Hamaaree umr-e-ravaan kee shabnam Tiree siyah kaakulon kee raaton Men taar chaandee ke goondh degee Tire haseen aarizon ke rangeen Gulaab bele ke phuul honge Shafaq kaa har rang gharq hogaa Lateef o pur-kaif chaandnee men Tiree kitaab-e-rukh-e-javaan par Ki jo ghazal kee kitaab hai ab Zamaana likkhegaa ik kahaanee Aur an-ginat jhurriyon ke andar Miree mohabbat ke saare bose Hazaar lab ban ke hans paDenge Ham apnee biitee huee shabon kee Salonee parchhaa.iyon ko le kar Ham apne ahd-e-tarab kee shaam o Sahar kee raanaa.iyon ko le kar Puraanee yaadon ke jism-e-uryaan Ke vaaste pairahan bunenge Phir ek too hogee aur ik main Koee raqeeb-e-rafeeq-soorat Ko rafeeq-e-raqeeb-saamaan Mire tire darmiyaan na hogaa Havas kee nazron ko tere rukh par Jamaal-e-nau kaa gumaan na hogaa Faqat miree husn-e-aazmooda Nazar ye tujh ko bataa sakegee Ki teree piiree kaa husn tere Shabaab se bhee haseen-tar hai Kal ek tu hogi aur ek main Koi raqib-e-rafiq-surat Koi rafiq-e-raqib-saman Mere tere darmiyan na hoga Hamari umr-e-rawan ki shabnam Teri siyah kakulon ki raaton Mein tar chandi ke gundh degi Tere hasin aarizon ke rangin Gulab bele ke phul honge Shafaq ka har rang gharq hoga Latif o pur-kaif chandni mein Teri kitab-e-ruKH-e-jawan par Ki jo ghazal ki kitab hai ab Zamana likkhega ek kahani Aur an-ginat jhurriyon ke andar Meri mohabbat ke sare bose Hazar lab ban ke hans paDenge Hum apni biti hui shabon ki Saloni parchhaiyon ko le kar Hum apne ahd-e-tarab ki sham o Sahar ki ranaiyon ko le kar Purani yaadon ke jism-e-uryan Ke waste pairahan bunenge Phir ek tu hogi aur ek main Koi raqib-e-rafiq-surat Ko rafiq-e-raqib-saman Mere tere darmiyan na hoga Hawas ki nazron ko tere ruKH par Jamal-e-nau ka guman na hoga Faqat meri husn-e-azmuda Nazar ye tujh ko bata sakegi Ki teri piri ka husn tere Shabab se bhi hasin-tar hai