ik subh hai jo huii nahin hai

Ik sub.h hai jo huee naheen hai Ik raat hai jo kaTee naheen hai Maqtoolon kaa qaht paD na jaa.e Qaatil kee kaheen kamee naheen hai Veeraanon se aa rahi hai awaaz Takhleeq-e-junoon rukee naheen hai Hai aur hee kaarobaar-e-mastee Jee lenaa to zindagee naheen hai Saaqee se jo jaam le na baDh kar Wo tishnagee tishnagee naheen hai Aashiq-kushee o fareb-kaaree Ye sheva-e-dilbaree naheen hai Bhookon kee nigaah men hai bijlee Ye barq abhee giree naheen hai Dil men jo jalaa.ee thee kisee ne Wo sham-e-tarab bujhee naheen hai Ik dhoop see hai jo zer-e-mizhgaan Wo aankh abhee uThee naheen hai Hain kaam bahut abhee ki Dunya Shaa.ista-e-aadmee naheen hai Har rang ke aa chuke hain fir.aun Lekin ye jabeen jhukee naheen hai