infiraadiyat

Aa raha hai ik sitaara aasmaan se Toot kar DauDtaa apne junoon kee raah par deevaana-vaar Apne dil ke sho.ala-e-sozaan men khud jaltaa huaa Muntashir kartaa huaa daamaan-e-zulmat men sharaar Apnee tanhaa.ee pe khud hee naaz farmaataa huaa Shauq par kartaa huaa aa.een-e-fitrat ko nisaar Kis qadar bebaak kitnaa tez kitnaa garm-rau Jis se sayyaaron kee aasooda-khiraamee sharmsaar Mauja-e-Dariya ishaaron se bulaatee hai qareeb Apnee sangeen god phailaa.e hue hai kohsaar Hai havaa bechain aanchal men chhupaane ke liye BaDh raha hai kurra-e-geetee kaa shauq-e-intizaar Lekin aisa anjum-e-raushan-jabeen o taabnaak Khud hee ho jaataa hai apnee taabnaakee kaa shikaar Aa raha hai ek sitara aasman se TuT kar DauDta apne junun ki rah par diwana-war Apne dil ke shoala-e-sozan mein KHud jalta hua Muntashir karta hua daman-e-zulmat mein sharar Apni tanhai pe KHud hi naz farmata hua Shauq par karta hua aain-e-fitrat ko nisar Kis qadar bebak kitna tez kitna garm-rau Jis se sayyaron ki aasuda-KHirami sharmsar Mauja-e-dariya ishaaron se bulati hai qarib Apni sangin god phailae hue hai kohsar Hai hawa bechain aanchal mein chhupane ke liye BaDh raha hai kurra-e-giti ka shauq-e-intizar Lekin aisa anjum-e-raushan-jabin o tabnak KHud hi ho jata hai apni tabnaki ka shikar