itr e firdaus e javaan men ye basaae hue hont
— Ali Sardar Jafri
Itr-e-firdaus-e-javaan men ye basaa.e hue honT
Khoon-e-gul-rang-e-bahaaraan men nahaa.e hue honT
Khud-bakhud aah larazte hue boson kee tarah
Mere honTon kee lataafat ko jagaa.e hue honT
Dast-e-fitrat ke taraashe hue do-barg-e-gulaab
Dil ke TuuTe hue TukDon ko banaa.e hue honT
Zulm aur jabr ke ahkaam se khaamosh magar
Mohr paimaan-e-mohabbat kee lagaa.e hue honT