kabhi khandaan kabhi giryaan kabhi raqsaa chaliye
— Ali Sardar Jafri
Kabhi khandaan kabhi giryaan kabhi raqsaa chaliye
Duur tak saath tire umr-e-gurezaan chaliye
Rasm-e-dereena-e-aalam ko badalne ke liye
Rasm-e-dereena-e-aalam se gurezaan chaliye
Aasmaanon se barastaa hai andheraa kaisaa
Apnee palkon pe liye jashn-e-charaaghaan chaliye
Shola-e-jaan ko havaa detee hai khud baad-e-sumoom
Shola-e-jaan kee tarah chaak-garebaan chaliye
Aql ke nuur se dil keejiye apna raushan
Dil kee raahon se soo-e-manzil-e-insaan chaliye
Gham na.ee sub.h ke taare kaa bahut hai lekin
Le ke ab parcham-e-khursheed-e-darakhshaan chaliye
Sar-ba-kaf chalne kee aadat men na farq aa jaa.e
Koocha-e-daar men sar-mast-o-ghazal-khvaan chaliye