khirad vaalo junoon vaalon ke viiraanon men aa jaao

Khirad vaalo junoon vaalon ke veeraanon men aa jaao Dilon ke baagh zakhmon ke gulistaanon men aa jaao Ye daamaan o garebaan ab salaamat rah nahin sakte Abhee tak Kuch nahin bigDaa hai deevaanon men aa jaao Sitam kee tegh khud dast-e-sitam ko kaaT detee hai Sitam-raano tum ab apne azaa-khaanon men aa jaao Ye kab tak sard laashen be-hisee ke barf-khaanon men Charaagh-e-dard se raushan shabistaanon men aa jaao Ye kab tak seem-o-zar ke jangalon men mashk-e-khoon-khvaaree Ye insaanon kee bastee hai ab insaanon men aa jaao Kabhi shabnam kaa qatra ban ke chamko laala-o-gul par Kabhi dariyaaon kee soorat bayaabaanon men aa jaao Havaa hai sakht ab ashkon ke parcham uD nahin sakte Lahoo ke surkh parcham le ke maidaanon men aa jaao Jaraahat-khaana-e-dil hai talaash-e-rang-o-nik.hat men Kahaan ho ai gulistaano garebaanon men aa jaao Zamaana kar raha hai ehtimaam-e-jashn-e-bedaaree Garebaan chaak kar ke sho.ala-daamaanon men aa jaao