khule hain mashriq o magrib ki god men gulzaar

Khule hain mashriq-o-maghrib kee god men gulzaar Magar khizaan ko mayassar naheen yaqeen-e-bahaar Khabar naheen hai bamon ke banaane vaalon ko Tameez ho to mah-o-mehr-o-kahkashaan hain shikaar Usee se tegh-e-nigah aab-daar hotee hai Tujhe bataa.oon baDee shai hai jur.at-e-inkaar Kiye hain shauq ne paidaa hazaar veeraane Ik aarzoo ne basaa.e hain laakh shahr-e-dayaar Nashaat-e-sub.h-e-bahaaraan tujhe naseeb naheen Tire nigah men hai biitee huee shabon kaa khumaar Farokht hotee hai insaaniyat see jins-e-giraan Jahaan ko phoonk na degee ye garmee-e-baazaar Yahee hai zeenat-o-aaraa.ish uroos-e-sukhan Magar fareb bhee detee hai shokhee-e-guftaar