khuugar e ru e khush jamaal hain ham

Khoogar-e-ru-e-khush-jamaal hain ham Naaz-e-parvarda-e-visaal hain ham Ham ko yuun raa.egaan na kar denaa Haasil-e-fasl-e-maah-o-saal hain ham Rang hee rang khushboo hee khushboo Gardish-e-saaghar-e-khayaal hain ham Raunaq-e-kaarobaar-e-hastee hain Ham ne maanaa shikasta-haal hain ham Maal-o-zar, maal-o-zar kee qeemat kya Saahab-e-daulat-e-kamaal hain ham Kis kee raanaa.i-e-khayaal hai too Teree raanaa.i-e-jamaal hain ham Aise deevaane phir na aa.enge Dekh lo ham ko be-misaal hain ham Daulat-e-husn-e-laa-zavaal hai too Daulat-e-ishq-e-laa-zavaal hain ham