lahuu pukaartaa hai

Lahoo pukaartaa hai Har taraf pukaartaa hai Sahar ho, shaam ho, khaamoshee ho ki hangaama Juloos-e-gham ho ki bazm-e-nashaat-aaraa.ee Lahoo pukaartaa hai Lahoo pukaartaa hai jaise khushk sahraa men Pukaaraa karte the paighambaraan-e-israa.eel Zameen ke siine se aur aasteen-e-qaatil se Guloo-e-kushta se behis zabaan-e-khanjar se Sadaa lapaktee hai har samt harf-e-haq kee tarah Magar wo kaan jo bahre hain sun nahin sakte Magar wo qalb jo sangeen hain hil nahin sakte Ki un men ahl-e-havas kee sadaa kaa siisa hai Vo jhukte rahte hain lab-haa-e-iqtidaar kee samt Vo sunte rahte hain bas hukm-e-haakimaan-e-jahaan Tavaaf karte hain arbaab-e-geer-o-daar ke gird Magar lahoo to hai be-baak o sarkash o chaalaak Ye sho.ala mai ke piyaale men jaag uThtaa hai Libaas-e-atlas-o-deebaa men sarsaraataa hai Ye daamanon ko pakaDtaa hai shaah-raahon men KhaDaa huaa nazar aataa hai daad-gaahon men Zameen sameT na paa.egee us kee baanhon men Chhalak rahe hain samundar sarak rahe hain pahaaD Lahoo pukaar raha hai lahoo pukaaregaa Ye wo sadaa hai jise qatl kar nahin sakte Lahu pukarta hai Har taraf pukarta hai Sahar ho, sham ho, KHamoshi ho ki hangama Julus-e-gham ho ki bazm-e-nashat-arai Lahu pukarta hai Lahu pukarta hai jaise KHushk sahra mein Pukara karte the paighambaran-e-israil Zamin ke sine se aur aastin-e-qatil se Gulu-e-kushta se behis zaban-e-KHanjar se Sada lapakti hai har samt harf-e-haq ki tarah Magar wo kan jo bahre hain sun nahin sakte Magar wo qalb jo sangin hain hil nahin sakte Ki un mein ahl-e-hawas ki sada ka sisa hai Wo jhukte rahte hain lab-ha-e-iqtidar ki samt Wo sunte rahte hain bas hukm-e-hakiman-e-jahan Tawaf karte hain arbab-e-gir-o-dar ke gird Magar lahu to hai be-bak o sarkash o chaalak Ye shoala mai ke piyale mein jag uThta hai Libas-e-atlas-o-diba mein sarsaraata hai Ye damanon ko pakaDta hai shah-rahon mein KhaDa hua nazar aata hai dad-gahon mein Zamin sameT na paegi us ki banhon mein Chhalak rahe hain samundar sarak rahe hain pahaD Lahu pukar raha hai lahu pukarega Ye wo sada hai jise qatl kar nahin sakte