main jahaan tum ko bulaataa hoon vahaan tak aao

Main jahaan tum ko bulaataa hoon vahaan tak aao Meree nazron se guzar kar dil-o-jaan tak aao Phir ye dekho ki zamaane kee havaa hai kaisee Saath mere mire firdaus-e-javaan tak aao Hausla ho to uDo mere tasavvur kee tarah Meree takh.eel ke gulzaar-e-jinaan tak aao Tegh kee tarah chalo chhoD ke aaghosh-e-niyaam Tiir kee tarah se aaghosh-e-kamaan tak aao Phuul ke gird phiro baagh men maanind-e-naseem Misl-e-parvaana kisee sham-e-tapaan tak aao Lo wo sadiyon ke jahannam kee haden khatm huiin Ab hai firdaus hee firdaus jahaan tak aao ChhoD kar vahm-o-gumaan husn-e-yaqeen tak pahuncho Par yaqeen se bhee kabhi vahm-o-gumaan tak aao Isee Dunya men dikhaa den tumhen jannat kee bahaar Shaikh-jee tum bhee zaraa koo-e-butaan tak aao