meraa safar ham chuu sabza baar haa roiida em

Ham-choo sabza baar-haa roeeda-em (roomee) Phir ik din aisa aa.egaa Aankhon ke diye bujh jaa.enge Haathon ke kanval kumhlaa.enge Aur barg-e-zabaan se nutq o sadaa Kee har titlee uD jaa.egee Ik kaale samundar kee tah men Kaliyon kee tarah se khiltee huee Phoolon kee tarah se hanstee huee Saaree shaklen kho jaa.engee Khuun kee gardish dil kee dhaDkan Sab raagniyaan so jaa.engee Aur niilee fazaa kee makhmal par Hanstee huee hiire kee ye kanee Ye meree jannat meree zameen Is kee sub.hen is kee shaamen Be-jaane hue be-samjhe hue Ik musht-e-ghubaar-e-insaan par Shabnam kee tarah ro jaa.engee Har chiiz bhulaa dee jaa.egee Yaadon ke haseen but-khaane se Har chiiz uThaa dee jaa.egee Phir koi nahin ye poochhegaa 'sardaar' kahaan hai mahfil men Lekin main yahaan phir aa.oongaa Bachchon ke dahan se boloongaa ChiDiyon kee zabaan se gaa.ungaa Jab biij hansenge dhartee men Aur konplen apnee unglee se MiTTee kee tahon ko chheDengee Main pattee pattee kalee kalee Apnee aankhen phir kholoongaa Sarsabz hathelee par le kar Shabnam ke qatre tauloongaa Main rang-e-hinaa aahang-e-ghazal Andaaz-e-sukhan ban jaa.oongaa Rukhsaar-e-uroos-e-nau kee tarah Har aanchal se chhan jaa.oongaa JaaDon kee havaa.en daaman men Jab fasl-e-khizaan ko laa.engee Rah-rau ke javaan qadmon ke tale Sookhe hue patton se mere Hansne kee sadaa.en aa.engee Dhartee kee sunahree sab nadiyaan Aakaash kee niilee sab jheelen Hastee se miree bhar jaa.engee Aur sara zamaana dekhegaa Har qissa miraa afsaana hai Har aashiq hai 'sardaar' yahaan Har maashooqa 'sultaanaa' hai Main ek gurezaan lamha hoon Ayyaam ke afsoon-khaane men Main ek taDaptaa qatra hoon Masroof-e-safar jo rahtaa hai Maazee kee suraahee ke dil se Mustaqbil ke paimaane men Main sotaa hoon aur jaagtaa hoon Aur jaag ke phir so jaataa hoon Sadiyon kaa puraanaa khel hoon main Main mar ke amar ho jaataa hoon Ham-chu sabza bar-ha roida-em (rumi) Phir ek din aisa aaega Aankhon ke diye bujh jaenge Hathon ke kanwal kumhlaenge Aur barg-e-zaban se nutq o sada Ki har titli uD jaegi Ek kale samundar ki tah mein Kaliyon ki tarah se khilti hui Phulon ki tarah se hansti hui Sari shaklen kho jaengi KHun ki gardish dil ki dhaDkan Sab ragniyan so jaengi Aur nili faza ki maKHmal par Hansti hui hire ki ye kani Ye meri jannat meri zamin Is ki subhen is ki shamen Be-jaane hue be-samjhe hue Ek musht-e-ghubar-e-insan par Shabnam ki tarah ro jaengi Har chiz bhula di jaegi Yaadon ke hasin but-KHane se Har chiz uTha di jaegi Phir koi nahin ye puchhega 'sardar' kahan hai mahfil mein Lekin main yahan phir aaunga Bachchon ke dahan se bolunga ChiDiyon ki zaban se gaunga Jab bij hansenge dharti mein Aur konplen apni ungli se MiTTi ki tahon ko chheDengi Main patti patti kali kali Apni aankhen phir kholunga Sarsabz hatheli par le kar Shabnam ke qatre taulunga Main rang-e-hina aahang-e-ghazal Andaz-e-suKHan ban jaunga RuKHsar-e-urus-e-nau ki tarah Har aanchal se chhan jaunga JaDon ki hawaen daman mein Jab fasl-e-KHizan ko laengi Rah-rau ke jawan qadmon ke tale Sukhe hue patton se mere Hansne ki sadaen aaengi Dharti ki sunahri sab nadiyan Aakash ki nili sab jhilen Hasti se meri bhar jaengi Aur sara zamana dekhega Har qissa mera afsana hai Har aashiq hai 'sardar' yahan Har mashuqa 'sultana' hai Main ek gurezan lamha hun Ayyam ke afsun-KHane mein Main ek taDapta qatra hun Masruf-e-safar jo rehta hai Mazi ki surahi ke dil se Mustaqbil ke paimane mein Main sota hun aur jagta hun Aur jag ke phir so jata hun Sadiyon ka purana khel hun main Main mar ke amar ho jata hun