mere khvaab

Ai mire haseen-khvaabo Tum kahaan se aa.e ho Kis ufuq se ubhre ho Kis shafaq se nikhre ho Kin gulon kee sohbat men Tum ne tarbiyat paa.ee Kis jahaan se laa.e ho Ye jamaal-o-ra.anaa.ee Jel to bhayaanak hai Is zaleel dunya men Husn kaa guzar kaisaa Rang hai na nik.hat hai Nuur hai na jalva hai Jabr kee hukoomat hai Tum kahaan se aa.e ho Ai mire haseen-khvaabo Main ne tum ko dekhaa hai Yaad ab nahin aataa Shaayad ek laDkee kee Thartharaatee palkon men Jagmagaatee aankhon men Yaa kisee tabassum men Jo nahaa ke niklaa ho Aansuon kee shabnam se Ik humakte bachche kee MuTThiyon ke phoolon par Titliyon kee yoorish see Aur maan kee nazron men SaikDon umeedon ke Shokh rang gul-daste Main ne tum ko dekhaa hai Nannhee nannhee guDiyon men Naachte khilaunon men Yaa rabar kee gendon men Main ne tum ko dekhaa hai GhuTniyon chale ho tum Totlee zabaanon se Tum ne duudh maangaa hai ''ek shaah.zaada tha Ek shaahzaadee thee'' Is haseen kahaanee par Jaane kitne bachchon ne Apne sar uThaa.e hain Jaane kitnee aankhon men Phuul muskuraa.e hain Aur main samajhtaa hoon Tum isee kahaanee kee Sar-zameen se aa.e ho Kuchh kisaan kanyaa.en Sabz o surkh sheeshon kee ChooDiyaan kalaa.ee men Aur galaT kee chaandee kee Hansuliyon se gardan men Niim chaand ke halqe Choliyon pe lahngon par Zard zard miTTee ke Zard bel-booTe se Maile maile aanchal par Baaliyon ke bose hain Un ke haath men hansie Giit gaane lagte hain Jhuum jhuum kar paude Apnaa sar jhukaate hain Nau-javaan laThyaare Khet kee munDeron par Prem giit gaate hain Ai mire haseen-khvaabo Tum inhen bahaaron kee Konpalon se phooTe ho Ek kaar-khaane men Chand nau-javaanon ne Anjuman banaa.ee hai Aur is men lenin kee Ik kitaab paDhte hain Sun rahi hain deevaaren Hans rahi hai taareekee Nau-javaan baiThe hain Aur kitaab paDhte hain Ek ek jumle par Chaunk chaunk paDte hain Ek ek fiqre par Apnaa sar hilaate hain Gaah aah bharte hain Gaah muskuraate hain Main ne un ke seenon men Ai mire haseen-khvaabo Tum ko naachte dekhaa Main ne tum ko dekhaa hai Jab siyaah mehraaben Aasmaan pe bantee hain Jab sukoot kee pariyaan Kahkashaan pe chaltee hain Gesuon kee nik.hat se Jab havaa mahaktee hain Jab fazaa chahaktee hai Mere garm honTon par Pyaar thartharaate hain Aur meree mahbooba Apne rang-e-aariz se Bijliyaan banaatee hai Aur meree nazron men Ik jahaan miTtaa hai Ik jahaan bantaa hai Ik zameen haTtee hai Ik zameen aatee hai Main asiir hoon lekin Tum ko koi bhee qaanoon Qaid kar nahin saktaa Sar-buland aur aazaad Yuun hee muskuraa.e jaao Mere dil kee dunya men Yuun hee jagmagaa.e jaao Qaid-o-band ke jallaad Tum ko paa nahin sakte Lambe lambe zaalim haath Tum ko chhoo nahin sakte Ai mire haseen-khvaabo Ai mere hasin-KHwabo Tum kahan se aae ho Kis ufuq se ubhre ho Kis shafaq se nikhre ho Kin gulon ki sohbat mein Tum ne tarbiyat pai Kis jahan se lae ho Ye jamal-o-ranai Jel to bhayanak hai Is zalil duniya mein Husn ka guzar kaisa Rang hai na nikhat hai Nur hai na jalwa hai Jabr ki hukumat hai Tum kahan se aae ho Ai mere hasin-KHwabo Main ne tum ko dekha hai Yaad ab nahin aata Shayad ek laDki ki Thartharaati palkon mein Jagmagati aankhon mein Ya kisi tabassum mein Jo naha ke nikla ho Aansuon ki shabnam se Ek humakte bachche ki MuTThiyon ke phulon par Titliyon ki yurish si Aur man ki nazron mein SaikDon umidon ke ShoKH rang gul-daste Main ne tum ko dekha hai Nannhi nannhi guDiyon mein Nachte khilaunon mein Ya rabar ki gendon mein Main ne tum ko dekha hai GhuTniyon chale ho tum Totli zabanon se Tum ne dudh manga hai Ek shahzada tha Ek shahzadi thi Is hasin kahani par Jaane kitne bachchon ne Apne sar uThae hain Jaane kitni aankhon mein Phul muskurae hain Aur main samajhta hun Tum isi kahani ki Sar-zamin se aae ho Kuchh kisan kanyaen Sabz o surKH shishon ki ChuDiyan kalai mein Aur galaT ki chandi ki Hansuliyon se gardan mein Nim chand ke halqe Choliyon pe lahngon par Zard zard miTTi ke Zard bel-buTe se Maile maile aanchal par Baaliyon ke bose hain Un ke hath mein hansie Git gane lagte hain Jhum jhum kar paude Apna sar jhukate hain Nau-jawan laThyare Khet ki munDeron par Prem git gate hain Ai mere hasin-KHwabo Tum inhen bahaaron ki Konpalon se phuTe ho Ek kar-KHane mein Chand nau-jawanon ne Anjuman banai hai Aur is mein lenin ki Ek kitab paDhte hain Sun rahi hain diwaren Hans rahi hai tariki Nau-jawan baiThe hain Aur kitab paDhte hain Ek ek jumle par Chaunk chaunk paDte hain Ek ek fiqre par Apna sar hilate hain Gah aah bharte hain Gah muskuraate hain Main ne un ke sinon mein Ai mere hasin-KHwabo Tum ko nachte dekha Main ne tum ko dekha hai Jab siyah mehraben Aasman pe banti hain Jab sukut ki pariyan Kahkashan pe chalti hain Gesuon ki nikhat se Jab hawa mahakti hain Jab faza chahakti hai Mere garm honTon par Pyar thartharaate hain Aur meri mahbuba Apne rang-e-ariz se Bijliyan banati hai Aur meri nazron mein Ek jahan miTta hai Ek jahan banta hai Ek zamin haTti hai Ek zamin aati hai Main asir hun lekin Tum ko koi bhi qanun Qaid kar nahin sakta Sar-buland aur aazad Yun hi muskurae jao Mere dil ki duniya mein Yun hi jagmagae jao Qaid-o-band ke jallad Tum ko pa nahin sakte Lambe lambe zalim hath Tum ko chhu nahin sakte Ai mere hasin-KHwabo