mire aziizo mire rafiiqo mire aziizo mire rafiiqo

Mire azeezo, mire rafeeqo Miree communism se ho khaa.if Miree tamannaa se Dar rahe ho Magar mujhe kuch gilaa nahin hai Tumhaaree roohon kee saadgee se Tumhaare dil kee sanam-garee se Mujhe ye mahsoos ho raha hai Ki jaise begaana havaa bhee tak Tum apne andaaz-e-dilbaree se Ki jaise vaaqif nahin abhee tak Sitamgaron kee sitamgaree se Fareb ne jin ke aadmee ko Haqeer o buzdil banaa diyaa hai Haqeeqaton ke muqaable men Faraar karnaa sikhaa dayaa hai Tumhen ye jis din pata chalegaa Hayaat rang-e-hinaa nahin hai Hayaat husn-e-butaan nahin hai Ye ek khanjar-ba-kaf karishma Ek zahreelaa jaam-e-mai hai Hamaaree piiree ho yaa javaanee Malool o afsurda zindagaanee Shikasta-e-naghma shikasta-e-nai hai Tumhen ye jis din pata chalegaa Ta.assubaat-e-kuhan ke parde Tumhaaree aankhon men jal-bujhenge Ye tum ne kaise samajh liyaa hai Ki dil miraa ishq se hai khaalee Miree nazar husn se hai aaree Qareeb aao tumhen bataa.oon Mujhe mohabbat hai aadmee se Mujhe mohabbat hai zindagee se Mujhe mohabbat hai mah-jabeenon Se, gul-rukhon se saman-e-baron se Kitaabon se, roTiyon se, phoolon se Pattharon se, samundaron se Miree nigah men base hue hain Hazaar andaaz-e-dil-rubaa.ee Main apne siine ko chaak kar ke Agar tumhen apna dil dikhaa.oon To tum ko har zakhm ke chaman men Hazaar sarv-e-ravaan milenge Udaas maghmoom vaadiyon men Hazaar-haa naghma-khvaan milenge Hazaar aariz, hazaar sham.en Hazaar qaamat, hazaar ghazlen Subuk-kharaamaan ghazaal jaise Hazaar armaan hazaar umeeden Falak pe taaron ke jaal jaise Magar koi toDe de raha hai Laraztee mizhgaan ke nashtaron ko Dilon ke andar utaartaa hai Koee siyaasat ke khanjaron ko Kisee ke zahreele tez naakhun Uqaab ke panja-haa-e-khooneen Kee tarah aankhon pe aa rahe hain Gulaab se tan misaal-e-bismil Zameen par tilmilaa rahe hain Jo pyaas paanee kee muntazir thee Vo sooliyon par Tangee huee hai Vo bhuuk roTee jo maangtee thee Saleeb-e-zar par chaDhee huee hai Ye zulm kaisaa, sitam ye kya hai Main sochtaa hoon ye kya junoon hai Jahaan men naan-e-javeen kee qeemat Kisee kee ismat, kisee kaa Khoon hai Tumheen bataao mire azeezo Mire rafeeqo, tumheen bataao Ye zindagee paara paara kyuun hai Hamaaree pyaaree haseen zameen par Ye qatl-gah kaa nazaara kyuun hai Mujhe bataao ki aaj kaise Siyaah baarood kee lakeeren KaTeele kaajal, sajeele surme Ke baankpan se ulajh ga.ee hain Khizaan ke kaanTon kee ungliyaan kyuun Har ik chaman se ulajh ga.ee hain Mujhe bataao lahoo ne kaise Hinaa ke jaadoo ko dho diyaa hai Hayaat ke pairahan ko insaan Ke aansuon ne bhigo diyaa hai Bataa sako to mujhe bataao Ki saaz naghmon se kyuun hain rooThe Bataa sako to mujhe bataao Ki taar kyuun paD ga.e hain jhooTe Mire azeezo, mare rafeeqo Miree communism kuch nahin hai Ye ahd-e-haazir kee aabroo hai Miree communism kuch nahin hai Ye ahd-e-haazir kee aabroo hai Miree communism zindagee ko Haseen banaane kee aarzoo hai Ye ek ma.asoom justujoo hai Tumhaare dil men bhee shaayad aisi Koee javaan-saal aarzoo ho Koee ubaltee huee suraahee Koee mahaktaa huaa suboo ho Zaraa ye samjho mire azeezo Mire rafeeqo zaraa ye socho Tumhaare qabze men kya nahin hai Tumhaaree Thokar se jaag uThegee Tumhaare qadmon men jo zameen hai Bas ek itnee kamee hai yaaro Ki zauq begaana-e-yaqeen hai Tumhaaree aankhon hee men hai sab kuch Tumhaaree aankhon men sab jahaan hai Tumhaaree palkon ke neeche dhartee Tumhaaree palkon par aasmaan hai Tumhaare haathon kee jumbihson men Hai joo-e-rang-e-bahaar dekho Na dekho is be-sutoon-e-gham ko Tum apne teshon kee dhaar dekho Tum apne teshe uThaa ke laao Main le ke apnee kudaal nikloon Hazaar-haa saal ke masaa.ib Hazaar-haa saal ke mazaalim Jo ruuh o dil par pahaaD ban kar Hazaar-haa saal se dhare hain Ham apne teshon kee zarb-e-kaaree Se un ke seenon ko chhed Daalen Ye hai sirf ek shab kee mehnat Jo ahd kar len to ham sahar tak Hayaat-e-nau ke na.e ajantaa Na.e ellora taraash Daalen Mere azizo, mere rafiqo Meri communism se ho KHaif Meri tamanna se Dar rahe ho Magar mujhe kuch gila nahin hai Tumhaari ruhon ki sadgi se Tumhaare dil ki sanam-gari se Mujhe ye mahsus ho raha hai Ki jaise begana hawa bhi tak Tum apne andaz-e-dilbari se Ki jaise waqif nahin abhi tak Sitamgaron ki sitamgari se Fareb ne jin ke aadmi ko Haqir o buzdil bana diya hai Haqiqaton ke muqable mein Farar karna sikha daya hai Tumhein ye jis din pata chalega Hayat rang-e-hina nahin hai Hayat husn-e-butan nahin hai Ye ek KHanjar-ba-kaf karishma Ek zahrila jam-e-mai hai Hamari piri ho ya jawani Malul o afsurda zindagani Shikasta-e-naghma shikasta-e-nai hai Tumhein ye jis din pata chalega Tassubaat-e-kuhan ke parde Tumhaari aankhon mein jal-bujhenge Ye tum ne kaise samajh liya hai Ki dil mera ishq se hai KHali Meri nazar husn se hai aari Qarib aao tumhein bataun Mujhe mohabbat hai aadmi se Mujhe mohabbat hai zindagi se Mujhe mohabbat hai mah-jabinon Se, gul-ruKHon se saman-e-baron se Kitabon se, roTiyon se, phulon se Pattharon se, samundaron se Meri nigah mein base hue hain Hazar andaz-e-dil-rubai Main apne sine ko chaak kar ke Agar tumhein apna dil dikhaun To tum ko har zaKHm ke chaman mein Hazar sarw-e-rawan milenge Udas maghmum wadiyon mein Hazar-ha naghma-KHwan milenge Hazar aariz, hazar shamen Hazar qamat, hazar ghazlen Subuk-KHaraman ghazal jaise Hazar arman hazar umiden Falak pe taron ke jal jaise Magar koi toDe de raha hai Larazti mizhgan ke nashtaron ko Dilon ke andar utarta hai Koi siyasat ke KHanjaron ko Kisi ke zahrile tez naKHun Uqab ke panja-ha-e-KHunin Ki tarah aankhon pe aa rahe hain Gulab se tan misal-e-bismil Zamin par tilmila rahe hain Jo pyas pani ki muntazir thi Wo suliyon par Tangi hui hai Wo bhuk roTi jo mangti thi Salib-e-zar par chaDhi hui hai Ye zulm kaisa, sitam ye kya hai Main sochta hun ye kya junun hai Jahan mein nan-e-jawin ki qimat Kisi ki ismat, kisi ka KHun hai Tumhin batao mere azizo Mere rafiqo, tumhin batao Ye zindagi para para kyun hai Hamari pyari hasin zamin par Ye qatl-gah ka nazara kyun hai Mujhe batao ki aaj kaise Siyah barud ki lakiren KaTile kajal, sajile surme Ke bankpan se ulajh gai hain KHizan ke kanTon ki ungliyan kyun Har ek chaman se ulajh gai hain Mujhe batao lahu ne kaise Hina ke jadu ko dho diya hai Hayat ke pairahan ko insan Ke aansuon ne bhigo diya hai Bata sako to mujhe batao Ki saz naghmon se kyun hain ruThe Bata sako to mujhe batao Ki tar kyun paD gae hain jhuTe Mere azizo, mare rafiqo Meri communism kuch nahin hai Ye ahd-e-hazir ki aabru hai Meri communism kuch nahin hai Ye ahd-e-hazir ki aabru hai Meri communism zindagi ko Hasin banane ki aarzu hai Ye ek masum justuju hai Tumhaare dil mein bhi shayad aisi Koi jawan-sal aarzu ho Koi ubalti hui surahi Koi mahakta hua subu ho Zara ye samjho mere azizo Mere rafiqo zara ye socho Tumhaare qabze mein kya nahin hai Tumhaari Thokar se jag uThegi Tumhaare qadmon mein jo zamin hai Bas ek itni kami hai yaro Ki zauq begana-e-yaqin hai Tumhaari aankhon hi mein hai sab kuch Tumhaari aankhon mein sab jahan hai Tumhaari palkon ke niche dharti Tumhaari palkon par aasman hai Tumhaare hathon ki jumbihson mein Hai ju-e-rang-e-bahaar dekho Na dekho is be-sutun-e-gham ko Tum apne teshon ki dhaar dekho Tum apne teshe uTha ke lao Main le ke apni kudal niklun Hazar-ha sal ke masaib Hazar-ha sal ke mazalim Jo ruh o dil par pahaD ban kar Hazar-ha sal se dhare hain Hum apne teshon ki zarb-e-kari Se un ke sinon ko chhed Dalen Ye hai sirf ek shab ki mehnat Jo ahd kar len to hum sahar tak Hayat-e-nau ke nae ajanta Nae ellora tarash Dalen