parviin shaakir bahaar e husn javaan marg suurat e gul e tar

Bahaar-e-husn javaan-marg soorat-e-gul-e-tar Misaal-e-khaar magar umr-e-dard-e-ishq daraaz Vo vidyaapatee kee shaa.iree kee Maasoom-o-haseen-o-shokh raadhaa Vo apne khayaal kaa kanhaiyaa In shahron men DhoonDne ga.ee thee Dastoor tha jin kaa sang-baaree Vo 'faiz'-o-'firaaq' ziyaada Taqdees-e-badan kee naghma-khvaan thee Tahzeeb-e-badan kee raaz-daan thee Gulnaar badan kee tahniyat men Gulnaar labon se gul-fishaan thee Lab-aashnaa lab ghazal ke misre Jism-aashnaa jism nazm-paikar Lafzon kee hatheliyaan hinaa.ee Tashbeehon kee ungliyaan gulaabee Sarsabz khayaal kaa gulistaan Mub.ham se kuch aansuon ke chashme Aahon kee wo halkee see havaa.en Sad-barg havaa men muntashir the Titlee thee ki raqs kar rahi thee Aur dard ke baadalon se chhan kar Naghmon kee phuvaare paD rahi thee Pur-shor munaafiqat ke baazaar Afvaahen farokht kar rahe the Vo apnee shikasta shakhsiyat ko Ash.aar kee chaadaron ke andar Is tarah sameTne lagee thee Ehsaas men aa rahi thee vus.at Nazron kaa ufuq badal raha tha Aur dard-e-jahaan-e-aadamiyat TuuTe hue dil men Dhal raha tha Is aalam-e-kaif-o-kam men ik din Ik haadse kaa shikaar ho kar Jab Khoon kaa kafan pahan liyaa to UDteen saleeben nauha-khvaan thiin Khaamosh tha karb-e-khud-kalaamee Ab kuch nahin rah gaya hai baaqee Baaqee hai sukhan kee dil-navaazee 2 Jannat men hai jashn-e-nau kaa saamaan Mahfil men 'majaaz'-o-'baa.iran' hain Maujood hain 'keats' aur 'shailee' Ye marg-e-javaan ke saare aashiq Khush hain ki zameen-e-paak se ik Nau-marg-e-bahaar aa ga.ee hai LipTee huee khaak kee hai khushboo Aur saaya-fagan sahaab-e-rahmat Bahaar-e-husn jawan-marg surat-e-gul-e-tar Misal-e-KHar magar umr-e-dard-e-ishq daraaz Wo widyapati ki shairi ki Masum-o-hasin-o-shoKH radha Wo apne KHayal ka kanhaiya In shahron mein DhunDne gai thi Dastur tha jin ka sang-bari Wo 'faiz'-o-'firaq' ziyaada Taqdis-e-badan ki naghma-KHwan thi Tahzib-e-badan ki raaz-dan thi Gulnar badan ki tahniyat mein Gulnar labon se gul-fishan thi Lab-ashna lab ghazal ke misre Jism-ashna jism nazm-paikar Lafzon ki hatheliyan hinai Tashbihon ki ungliyan gulabi Sarsabz KHayal ka gulistan Mubham se kuch aansuon ke chashme Aahon ki wo halki si hawaen Sad-barg hawa mein muntashir the Titli thi ki raqs kar rahi thi Aur dard ke baadalon se chhan kar Naghmon ki phuware paD rahi thi Pur-shor munafiqat ke bazar Afwahen faroKHt kar rahe the Wo apni shikasta shaKHsiyat ko Ashaar ki chadaron ke andar Is tarah sameTne lagi thi Ehsas mein aa rahi thi wusat Nazron ka ufuq badal raha tha Aur dard-e-jahan-e-adamiyat TuTe hue dil mein Dhal raha tha Is aalam-e-kaif-o-kam mein ek din Ek hadse ka shikar ho kar Jab KHun ka kafan pahan liya to UDtin saliben nauha-KHwan thin KHamosh tha karb-e-KHud-kalami Ab kuch nahin rah gaya hai baqi Baqi hai suKHan ki dil-nawazi 2 Jannat mein hai jashn-e-nau ka saman Mahfil mein 'majaz'-o-'bairan' hain Maujud hain 'keats' aur 'shaili' Ye marg-e-jawan ke sare aashiq KHush hain ki zamin-e-pak se ek Nau-marg-e-bahaar aa gai hai LipTi hui KHak ki hai KHushbu Aur saya-fagan sahab-e-rahmat