pyaas ki aag

Main ki hoon pyaas ke Dariya kee taDaptee huee mauj Pee chukaa hoon main samundar kaa samundar phir bhee Ek ik qatra-e-shabnam ko taras jaataa hoon Qatra-e-shabnam-e-ashk Qatra-e-shabnam-e-dil khoon-e-jigar Qatra-e-neem-nazar Yaa mulaaqaat ke lamhon ke sunahree qatre Jo nigaahon kee haraarat se Tapak paDte hain Aur phir lams ke nuur Aur phir baat kee khushboo men badal jaate hain Mujh ko ye qatra-e-shaadaab bhee chakh lene do Dil men ye gauhar-e-naayaab bhee rakh lene do Khushk hain honT mire khushk zabaan hai meree Khushk hai dard kaa, naghme kaa guloo Main agar pee na sakaa waqt kaa ye aab-e-hayaat Pyaas kee aag men Dartaa hoon ki jal jaa.ungaa Main ki hun pyas ke dariya ki taDapti hui mauj Pi chuka hun main samundar ka samundar phir bhi Ek ek qatra-e-shabnam ko taras jata hun Qatra-e-shabnam-e-ashk Qatra-e-shabnam-e-dil KHun-e-jigar Qatra-e-nim-nazar Ya mulaqat ke lamhon ke sunahri qatre Jo nigahon ki hararat se Tapak paDte hain Aur phir lams ke nur Aur phir baat ki KHushbu mein badal jate hain Mujh ko ye qatra-e-shadab bhi chakh lene do Dil mein ye gauhar-e-nayab bhi rakh lene do KHushk hain honT mere KHushk zaban hai meri KHushk hai dard ka, naghme ka gulu Main agar pi na saka waqt ka ye aab-e-hayat Pyas ki aag mein Darta hun ki jal jaunga