qatl e aaftaab

Shafaq ke rang men hai qatl-e-aaftaab kaa rang Ufuq ke dil men hai khanjar lahoo-luhaan hai shaam Safed sheesha-e-noor aur siyaah baarish-e-sang Zameen se taa-ba-falak hai buland raat kaa naam Yaqeen kaa zikr hee kya hai ki ab gumaan bhee nahin Maqaam-e-dard nahin manzil-e-fughaan bhee nahin Vo be-hisee hai ki jo qaabil-e-bayaan bhee nahin Koee tarang hee baaqee rahi na koi umang Jabeen-e-shauq nahin sang-e-aastaan bhee nahin Raqeeb jiit ga.e khatm ho chukee hai jang Dilon men shola-e-gham bujh gaya hai kya kiije Koee haseen nahin kis se ab wafa kiije Sivaa.e is ke ki qaatil hee ko duaa diije Magar ye jang nahin wo jo khatm ho jaa.e Ik intihaa hai faqat husn-e-ibtidaa ke liye Bichhe hain khaar ki guzrenge qaafile gul ke Khamoshee mohr-ba-lab hai kisee sadaa ke liye Udaasiyaan hain ye sab naghma-o-navaa ke liye Vo pahnaa sham.a ne phir khoon-e-aaftaab kaa taaj Sitaare le ke uThe noor-e-aaftaab ke jaam Palak palak pe firozaan hain aansuon ke charaagh Laven lachaktee hain yaa bijliyaan chamaktee hain Tamaam pairahan-e-shab men bhar ga.e hain sharaar Hazaar lab se zameen kah rahi hai qissa-e-dard Hazaar gosh-e-junoon sun rahe hain afsaana ChaTak rahi hain kaheen teergee kee deevaaren Lachak rahi hain kaheen shaakh-e-gul kee talvaaren Sanak rahi hai kaheen dasht-e-sar-kashee men havaa Chahak rahi hai kaheen bulbul-e-bahaar-navaa Mahak raha hai wafa ke chaman men dil kaa gulaab Chhalak rahi hai lab o aariz o nazar kee sharaab Javaan khawabon ke jangal se aa rahi hai naseem Nafas men nik.hat-e-paighaam-e-inqalaab liye Khabar hai qaafila-e-rang-o-noor niklegaa Sahar ke dosh pe ik taaza aaftaab liye Shafaq ke rang mein hai qatl-e-aftab ka rang Ufuq ke dil mein hai KHanjar lahu-luhan hai sham Safed shisha-e-nur aur siyah barish-e-sang Zamin se ta-ba-falak hai buland raat ka nam Yaqin ka zikr hi kya hai ki ab guman bhi nahin Maqam-e-dard nahin manzil-e-fughan bhi nahin Wo be-hisi hai ki jo qabil-e-bayan bhi nahin Koi tarang hi baqi rahi na koi umang Jabin-e-shauq nahin sang-e-astan bhi nahin Raqib jit gae KHatm ho chuki hai jang Dilon mein shola-e-gham bujh gaya hai kya kije Koi hasin nahin kis se ab wafa kije Siwae is ke ki qatil hi ko dua dije Magar ye jang nahin wo jo KHatm ho jae Ek intiha hai faqat husn-e-ibtida ke liye Bichhe hain KHar ki guzrenge qafile gul ke KHamoshi mohr-ba-lab hai kisi sada ke liye Udasiyan hain ye sab naghma-o-nawa ke liye Wo pahna shama ne phir KHun-e-aftab ka taj Sitare le ke uThe nur-e-aftab ke jam Palak palak pe firozan hain aansuon ke charagh Lawen lachakti hain ya bijliyan chamakti hain Tamam pairahan-e-shab mein bhar gae hain sharar Hazar lab se zamin kah rahi hai qissa-e-dard Hazar gosh-e-junun sun rahe hain afsana ChaTak rahi hain kahin tirgi ki diwaren Lachak rahi hain kahin shaKH-e-gul ki talwaren Sanak rahi hai kahin dasht-e-sar-kashi mein hawa Chahak rahi hai kahin bulbul-e-bahaar-nawa Mahak raha hai wafa ke chaman mein dil ka gulab Chhalak rahi hai lab o aariz o nazar ki sharab Jawan KHwabon ke jangal se aa rahi hai nasim Nafas mein nikhat-e-paigham-e-inqalab liye KHabar hai qafila-e-rang-o-nur niklega Sahar ke dosh pe ek taza aaftab liye