sar e tuur

Dil ko be-taab rakhtee hai ik aarzoo Kam hai ye vus.at-e-aalam-e-rang-o-boo Le chalee hai kidhar phir na.ee justujoo Taa-ba hadd-e-nazar uD ke jaate hain ham Vo jo haa.il the raahon men shams o qamar Ham-safar un ko apna banaate hain ham Hai zameen parda-e-laala-o-nastaran Aasmaan parda-e-kahkashaan hai abhee Raaz-e-fitrat huaa laakh ham par ayaan Raaz-e-fitrat nihaan kaa nihaan hai abhee Jis kee sadiyon udhar ham ne kee ibtidaa Naa-tamaam apnee wo daastaan hai abhee Manzilen uD ga.iin ban ke gard-e-safar Rahguzaaron hee men kaarvaan hai abhee Pee ke naakaamiyon kee sharaab-e-kuhan Apnaa zauq-e-tajassus javaan hai abhee Haath kaaTe ga.e jur.at-e-shauq par Khoon-chakaan ho ke wo gul-fishaan ho ga.e Hairaton ne lagaa.ee jo mohr-e-sukoot Lab khamoshee men jaadoo bayaan ho ga.e Raaste men jo kohsaar aa.e to ham Aise taDpe ki sail-e-ravaan ho ga.e Hain azal se zameen ke kure par amiir Ho ke mahdood ham be-karaan ho ga.e Zuaq-e-parvaaz bhee dil kee ik jast hai Khaak se zeenat-e-aasmaan ho ga.e Aql-chaalaak ne dee hai aa kar khabar Ik shabistaan hai aivaan-e-mahtaab men Muntazir hain nigaaraan-e-aatish-badan Jagmagaatee fazaaon kee mehraab men Kitne dilkash haseen khvaab bedaar hain Maah o mirreekh kee chashm-e-be-khvaab men Kheench phir zulf-e-maashooq-e-neel-goon Le le shole ko phir dast-e-betaab men Muzhda ho mah-jabeenaan-e-aflaak ko Bazm-e-geetee kaa saahab nazar aa gaya Tahniyat husn ko be-naqaabee kee do Deeda-var aa gaya parda-daar aa gaya Aasmaan se giraa tha jo kal Toot kar Vo sitaara ba-dosh-e-qamar aa gaya Le ke paimaana-e-dard-e-dil haath men Mal ke chehre pe khoon-e-jigar aa gaya Bazm-e-sayyaargaan-e-falak-sair men Ik hunar-mand sayyaara-gar aa gaya Shauq kee had magar chaand tak to nahin Hai abhee rif.at-e-aasmaan aur bhee Hai surayyaa ke peechhe surayyaa ravaan Kahkashaan se pare kahkashaan aur bhee Jhaanktee hain fazaaon ke pechaak se Rang aur nuur kee vaadiyaan aur bhee Aur bhee manzilen, aur bhee mushkilen Hain abhee ishq ke imtihaan aur bhee Aaj dast-e-junoon par hai sham-e-khirad Do jahaan jis ke shole se ma.amoor hain Le ke aa.en payaam-e-tuloo-e-sahar Jitne suraj khalaaon men mastoor hain Kah do barq-e-tajallee se ho jalva-gar Aaj muusaa nahin ham sar-e-toor hain Dil ko be-tab rakhti hai ek aarzu Kam hai ye wusat-e-alam-e-rang-o-bu Le chali hai kidhar phir nai justuju Ta-ba hadd-e-nazar uD ke jate hain hum Wo jo hail the rahon mein shams o qamar Ham-safar un ko apna banate hain hum Hai zamin parda-e-lala-o-nastaran Aasman parda-e-kahkashan hai abhi Raaz-e-fitrat hua lakh hum par ayan Raaz-e-fitrat nihan ka nihan hai abhi Jis ki sadiyon udhar hum ne ki ibtida Na-tamam apni wo dastan hai abhi Manzilen uD gain ban ke gard-e-safar Rahguzaron hi mein karwan hai abhi Pi ke nakaamiyon ki sharab-e-kuhan Apna zauq-e-tajassus jawan hai abhi Hath kaTe gae jurat-e-shauq par KHun-chakan ho ke wo gul-fishan ho gae Hairaton ne lagai jo mohr-e-sukut Lab KHamoshi mein jadu bayan ho gae Raste mein jo kohsar aae to hum Aise taDpe ki sail-e-rawan ho gae Hain azal se zamin ke kure par amir Ho ke mahdud hum be-karan ho gae Zuaq-e-parwaz bhi dil ki ek jast hai KHak se zinat-e-asman ho gae Aql-chaalak ne di hai aa kar KHabar Ek shabistan hai aiwan-e-mahtab mein Muntazir hain nigaran-e-atish-badan Jagmagati fazaon ki mehrab mein Kitne dilkash hasin KHwab bedar hain Mah o mirriKH ki chashm-e-be-KHwab mein Khinch phir zulf-e-mashuq-e-nil-gun Le le shole ko phir dast-e-betab mein Muzhda ho mah-jabinan-e-aflak ko Bazm-e-giti ka sahab nazar aa gaya Tahniyat husn ko be-naqabi ki do Dida-war aa gaya parda-dar aa gaya Aasman se gira tha jo kal TuT kar Wo sitara ba-dosh-e-qamar aa gaya Le ke paimana-e-dard-e-dil hath mein Mal ke chehre pe KHun-e-jigar aa gaya Bazm-e-sayyargan-e-falak-sair mein Ek hunar-mand sayyara-gar aa gaya Shauq ki had magar chand tak to nahin Hai abhi rifat-e-asman aur bhi Hai surayya ke pichhe surayya rawan Kahkashan se pare kahkashan aur bhi Jhankti hain fazaon ke pechaak se Rang aur nur ki wadiyan aur bhi Aur bhi manzilen, aur bhi mushkilen Hain abhi ishq ke imtihan aur bhi Aaj dast-e-junun par hai sham-e-KHirad Do jahan jis ke shole se mamur hain Le ke aaen payam-e-tulu-e-sahar Jitne suraj KHalaon mein mastur hain Kah do barq-e-tajalli se ho jalwa-gar Aaj musa nahin hum sar-e-tur hain