shabon ki zulf ki ruu e sahar ki khair manaao

Shabon kee zulf kee roo-e-sahar kee khair manaao Nigaar-e-shams uroos-e-qamar kee khair manaao Sipaah-e-dushman-e-insaaniyat qareeb aa.ee Dayaar-e-husn sar-e-rahguzar kee khair manaao Abhee to auron ke deevaar-o-dar pe yoorish thee Ab apne saaya-e-deevaar-o-dar kee khair manaao Chalee hai aatish-o-aahan ke dil se baad-e-sumoom Chaman ke jalva-e-gul-haa-e-tar kee khair manaao Guzar na jaa.e kaheen bahr-o-bar se Khoon kee dhaar Farogh-e-shabnam-o-aab-o-guhar kee khair manaao Ye naf.a-khoron kee daanish-farosh Dunya hai Mataa-e-ilm kee jins-e-hunar kee khair manaao Mire liye hai miree muflisee-o-naapaakee Tum apnee paakee-e-qalb-o-nazar kee khair manaao