shuuur

Miree ragon men chahakte hue lahoo ko suno Hazaaron laakhon sitaaron ne saaz chheDaa hai Har ek buund men aafaaq gungunaate hain Ye sharq o gharb shumaal o junoob past o buland Lahoo men gharq hain aur shash-jahaat kaa aahang Zameen kee peng tuloo-e-nujoom-o-shams-o-qamar Ghuroob-e-shaam zavaal-e-shab o numood-e-sahar Tamaam aalam-e-raanaa.ee bazm-e-barnaa.ee Kanval kee tarah khile hain lahoo kee jheelon men Hai kaa.enaat mire dil kee dhaDkanon men asiir Main ek zarra bisaat-e-nizaam-e-shamsee par Main ek nuqta sar-e-kaa.enaat-e-vahm-o-shu.oor Ek qatra anal-bahr hai sadaa meree Main kaa.enaat men tanhaa hoon aaftaab kee tarah Mire lahoo men ravaan ved bhee hain qur.aan bhee Shajar hajar bhee hain sahraa bhee hain gulistaan bhee Ki main hoon vaaris-e-taareekh-e-asr-e-insaanee Qadam qadam pe jahannam qadam qadam pe bahisht Meri ragon mein chahakte hue lahu ko suno Hazaron lakhon sitaron ne saz chheDa hai Har ek bund mein aafaq gungunate hain Ye sharq o gharb shumal o junub past o buland Lahu mein gharq hain aur shash-jahat ka aahang Zamin ki peng tulu-e-nujum-o-shams-o-qamar Ghurub-e-sham zawal-e-shab o numud-e-sahar Tamam aalam-e-ranai bazm-e-barnai Kanwal ki tarah khile hain lahu ki jhilon mein Hai kaenat mere dil ki dhaDkanon mein asir Main ek zarra bisat-e-nizam-e-shamsi par Main ek nuqta sar-e-kaenat-e-wahm-o-shuur Ek qatra anal-bahr hai sada meri Main kaenat mein tanha hun aaftab ki tarah Mere lahu mein rawan wed bhi hain quran bhi Shajar hajar bhi hain sahra bhi hain gulistan bhi Ki main hun waris-e-tariKH-e-asr-e-insani Qadam qadam pe jahannam qadam qadam pe bahisht