taashqand ki shaam

Manaao jashn-e-mohabbat ki Khoon kee boo na rahi Baras ke khul ga.e baarood ke siyah baadal Bujhee bujhee see hai jangon kee aakhiree bijlee Mahak rahi hai gulaabon se taashqand kee shaam Jagaao gesoo-e-jaanaan kee ambareen raaten Jalaao saa.ad-e-seemeen kee sham-e-kafooree Taveel boson ke gul-rang jaam chhalkaao Ye surkh jaam hai khoobaan-e-taashqand ke naam Ye sabz jaam hai lahore ke haseenon kaa Safed jaam hai dillee ke dilbaron ke liye Ghulaa hai jis men mohabbat ke aaftaab kaa rang Khulee huee hai ufuq par shafaq tabassum kee Naseem-e-shauq chalee mehrbaan takallum kee Labon kee sho.ala-fishaanee hai shabnam-afshaanee Isee men sub.h-e-tamannaa nahaa ke nikhregee Kisee kee zulf na ab shaam-e-gham men bikhregee Javaan khauf kee vaadee se ab na guzrenge Jiyaale maut ke saahil pe ab na utrenge Bharee na jaa.egee ab khaak-o-khoon se maang kabhi Milegee maan ko na marg-e-pisar kee khush-khabaree Koee na degaa yateemon ko ab mubaarakbaad Khilenge phuul bahut sarhad-e-tamannaa par Khabar na hogee ye nargis hai kis kee aa.ankhon kee Ye gul hai kis kee jabeen kis kaa lab hai ye laala Ye shaakh kis ke javaan baazuon kee Angdhaai Bas itnaa hogaa ye dhartee hai shahsavaaron kee Jahaan-e-husn ke gumnaam taajdaaron kee Ye sarzameen hai mohabbat ke khvaastgaaron kee Jo gul pe marte the shabnam se pyaar karte the Khudaa kare ki ye shabnam yuun hee barastee rahe Zameen hamesha lahoo ke liye tarastee rahe Manao jashn-e-mohabbat ki KHun ki bu na rahi Baras ke khul gae barud ke siyah baadal Bujhi bujhi si hai jangon ki aaKHiri bijli Mahak rahi hai gulabon se tashqand ki sham Jagao gesu-e-jaanan ki ambarin raaten Jalao saad-e-simin ki sham-e-kafuri Tawil boson ke gul-rang jam chhalkao Ye surKH jam hai KHuban-e-tashqand ke nam Ye sabz jam hai lahore ke hasinon ka Safed jam hai dilli ke dilbaron ke liye Ghula hai jis mein mohabbat ke aaftab ka rang Khuli hui hai ufuq par shafaq tabassum ki Nasim-e-shauq chali mehrban takallum ki Labon ki shoala-fishani hai shabnam-afshani Isi mein subh-e-tamanna naha ke nikhregi Kisi ki zulf na ab sham-e-gham mein bikhregi Jawan KHauf ki wadi se ab na guzrenge Jiyale maut ke sahil pe ab na utrenge Bhari na jaegi ab KHak-o-KHun se mang kabhi Milegi man ko na marg-e-pisar ki KHush-KHabari Koi na dega yatimon ko ab mubarakbaad Khilenge phul bahut sarhad-e-tamanna par KHabar na hogi ye nargis hai kis ki aaankhon ki Ye gul hai kis ki jabin kis ka lab hai ye lala Ye shaKH kis ke jawan bazuon ki angDai Bas itna hoga ye dharti hai shahsawaron ki Jahan-e-husn ke gumnam tajdaron ki Ye sarzamin hai mohabbat ke KHwastgaron ki Jo gul pe marte the shabnam se pyar karte the KHuda kare ki ye shabnam yun hi barasti rahe Zamin hamesha lahu ke liye tarasti rahe