takhliiq pe fitrat ki guzartaa hai gumaan aur

Takhleeq pe fitrat kee guzartaa hai gumaan aur Is aadam-e-khaakee ne banaayaa hai jahaan aur Ye sub.h hai sooraj kee siyaahi se andheree Aa.egee abhee ek sahar mahr-chakaan aur BaDhnee hai abhee aur bhee mazloom kee taaqat GhaTnee hai abhee zulm kee Kuch taab-o-tavaan aur Tar hogee zameen aur abhee khoon-e-bashar se Ro.egaa abhee deeda-e-khoonaaba-fiashaan aur BaDhne do zaraa aur abhee Kuch dast-e-talab ko BaDh jaa.egee do chaar shikan-e-zulf-e-butaan aur Karnaa hai abhee khoon-e-jigar sarf-e-bahaaraan Kuch der uThaanaa hai abhee naaz-e-khizaan aur Ham hain wo balaa-kash ki masaa.ib se jahaan ke Ho jaate hain shaa.ista-e-gham-haa-e-jahaan aur