tum nahin aae the jab

Tum nahin aa.e the jab tab bhee to maujood the tum Aankh men nuur kee aur dil men lahoo kee soorat Dard kee lau kee tarah pyaar kee khushboo kee tarah Bevafaa vaadon kee dildaaree kaa andaaz liye Tum nahin aa.e the jab tab bhee to tum aa.e the Raat ke siine men mahtaab ke khanjar kee tarah Sub.h ke haath men khursheed ke saaghar kee tarah Shaakh-e-khoon-rang-e-tamannaa men gul-e-tar kee tarah Tum nahin aaoge jab tab bhee to tum aaoge Yaad kee tarah dhaDakte hue dil kee soorat Gham ke paimaana-e-sar-shaar ko chhalkaate hue Barg-haa-e-lab-o-rukhsaar ko mahkaate hue Dil ke bujhte hue angaare ko dahkaate hue Zulf-dar-zulf bikhar jaa.egaa phir raat kaa rang Shab-e-tanhaa.ee men bhee lutf-e-mulaaqaat kaa rang Roz laa.egee sabaa koo-e-sabaahat se payaam Roz gaa.egee sahar tahniyat-e-jashn-e-firaaq Aao aane kee karen baaten ki tum aa.e ho Ab tum aa.e ho to main kaun see shai nazr karo Ki mire paas ba-juz mehr o wafa kuch bhee nahin Ek khoon-gashta tamannaa ke sivaa kuch bhee nahin Tum nahin aae the jab tab bhi to maujud the tum Aankh mein nur ki aur dil mein lahu ki surat Dard ki lau ki tarah pyar ki KHushbu ki tarah Bewafa wadon ki dildari ka andaz liye Tum nahin aae the jab tab bhi to tum aae the Raat ke sine mein mahtab ke KHanjar ki tarah Subh ke hath mein KHurshid ke saghar ki tarah ShaKH-e-KHun-rang-e-tamanna mein gul-e-tar ki tarah Tum nahin aaoge jab tab bhi to tum aaoge Yaad ki tarah dhaDakte hue dil ki surat Gham ke paimana-e-sar-shaar ko chhalkate hue Barg-ha-e-lab-o-ruKHsar ko mahkate hue Dil ke bujhte hue angare ko dahkate hue Zulf-dar-zulf bikhar jaega phir raat ka rang Shab-e-tanhai mein bhi lutf-e-mulaqat ka rang Roz laegi saba ku-e-sabahat se payam Roz gaegi sahar tahniyat-e-jashn-e-firaq Aao aane ki karen baaten ki tum aae ho Ab tum aae ho to main kaun si shai nazr karo Ki mere pas ba-juz mehr o wafa kuch bhi nahin Ek KHun-gashta tamanna ke siwa kuch bhi nahin