vahii husn e yaar men hai vahii laala zaar men hai

Vahee husn-e-yaar men hai vahee laala-zaar men hai Wo jo kaifiyat nashe kee mai-e-khush-gavaar men hai Ye chaman kee aarzoo hai koee luuT le chaman ko Ye tamaam rang-o-nik.hat tire ikhtiyaar men hai Tire haath kee bulandee men farogh-e-kahkashaan hai Ye hujoom-e-maah-o-anjum tire intizaar men hai Bas usee ko toDnaa hai ye junoon-e-naf.a-khoree Yahee ek sard khanjar dil-e-rozgaar men hai Abhee zindagee haseen hai abhee zikr-e-maut kaisaa Abhee phuul khil rahe hain abhee to kanaar men hai Abhee mai-kada javaan hai abhee mauj men hai saaqee Abhee jaam raqs men hai abhee mai bahaar men hai Yahee meraa sher-o-naghma yahee meree fikr-o-hikmat Jo suroo-o-dard-mandee dil-e-be-qaraar men hai