vatan se duur yaaraan e vatan ki yaad aatii hai

Vatan se duur yaaraan-e-vatan kee yaad aatee hai Qafas men ham-navaayaan-e-chaman kee yaad aatee hai Ye kaisaa zulm hai phir saaya-e-deevaar-e-zindaan men Vatan ke saaya-e-sarv-o-saman kee yaad aatee hai Tasavvur jis se rangeen hai takhayyul jis se raqsaan hai Ghazaal-e-hind-o-aahoo-e-khutan kee yaad aatee hai Kabhi lailaa-o-sheereen gaah heer-o-shohnee ban kar Niraale yaar kee baanke sajan kee yaad aatee hai Kahaan kaa khauf-e-zindaan dahshat-e-daar-o-rasan kaisee Qad-e-maashooq-o-zulf-e-pur-shikan kee yaad aatee hai