vufuur e shauq ki rangiin hikaayaten mat puuchh

Vufoor-e-shauq kee rangeen hikaayaten mat poochh Labon kaa pyaar nigah kee shikaayaten mat poochh Kisee nigaah kee nas nas men tairte nishtar Wo ibtidaa-e-mohabbat kee raahaten mat poochh Wo neem-shab wo javaan husn wo vufoor-e-niyaaz Nigaah o dil ne jo kee hain ibaadaten mat poochh Hujoom-e-gham men bhee jiinaa sikhaa diyaa ham ko Gham-e-jahaan kee hain kya kya inaayaten mat poochh Ye sirf ek qayaamat hai chain kee karvaT Dabee hain dil men hazaaron qayaamaten mat poochh Bas ek harf-e-baghaavat zabaan se niklaa thaa Shaheed ho ga.iin kitnee rivaayaten mat poochh Ab aaj qissa-e-daaraa-o-jam kaa kya hogaa Hamaare paas hain apnee hikaayaten mat poochh Nishaan-e-hiTlari-o-qaisaree naheen miltaa Jo ibraton ne likhee hain ibaaraten mat poochh Nashaat-e-zeest faqat ahl-e-gham kee hai meeraas Milengee aur abhee kitnee daulaten mat poochh