agar kaj rau hain anjum aasmaan teraa hai yaa meraa

Agar kaj-rau hain anjum aasmaan teraa hai yaa meraa Mujhe fikr-e-jahaan kyuun ho jahaan teraa hai yaa meraa Agar hangaama-haa-e-shauq se hai laa-makaan khaalee Khataa kis kee hai yaa rab laa-makaan teraa hai yaa meraa Use sub.h-e-azal inkaar kee jur.at huee kyoonkar Mujhe maaloom kya wo raaz-daan teraa hai yaa meraa Mohammad bhee tiraa jibreel bhee qur.aan bhee teraa Magar ye harf-e-sheereen tarjumaan teraa hai yaa meraa Isee kaukab kee taabaanee se hai teraa jahaan raushan Zavaal-e-aadam-e-khaakee ziyaan teraa hai yaa meraa