aql go aastaan se duur nahin

Aql go aastaan se duur naheen Us kee taqdeer men huzoor naheen Dil-e-beenaa bhee kar khuda se talab Aankh kaa nuur dil kaa nuur naheen Ilm men bhee suroor hai lekin Ye wo jannat hai jis men huur naheen Kya ghazab hai ki is zamaane men Ek bhee saahib-e-suroor naheen Ik junoon hai ki baa-shu.oor bhee hai Ik junoon hai ki baa-shu.oor naheen Naa-subooree hai zindagee dil kee Aah wo dil ki naa-suboor naheen Be-huzooree hai teree maut kaa raaz Zinda ho too to be-huzoor naheen Har guhar ne sadaf ko toD diyaa Too hee aamaada-e-zuhoor naheen Arinee main bhee kah raha hoon magar Ye hadees-e-kaleem-o-toor naheen