ek aarzoo dunya ki mahfilon se uktaa gaya hoon yaa rab

Dunya kee mahfilon se uktaa gaya hoon yaa rab Kyaa lutf anjuman kaa jab dil hee bujh gaya ho Shorish se bhaagtaa hoon dil DhoonDtaa hai meraa Aisaa sukoot jis par taqreer bhee fidaa ho Martaa hoon khaamushee par ye aarzoo hai meree Daaman men koh ke ik chhoTaa saa jhonpaDaa ho Aazaad fikr se hoon uzlat men din guzaaroon Duniyaa ke gham kaa dil se kaanTaa nikal gaya ho Lazzat sarod kee ho chiDiyon ke chahchahon men Chashme kee shorishon men baajaa saa baj raha ho Gul kee kalee chaTak kar paighaam de kisee kaa Saaghar zaraa saa goyaa mujh ko jahaan-numaa ho Ho haath kaa sirhaanaa sabze kaa ho bichhaunaa Sharmaa.e jis se jalvat khalvat men wo adaa ho Maanoos is qadar ho soorat se meree bulbul Nanhe se dil men us ke khaTkaa na kuch miraa ho Saf baandhe donon jaanib buuTe hare hare hon Naddee kaa saaf paanee tasveer le raha ho Ho dil-fareb aisa kohsaar kaa nazaara Paanee bhee mauj ban kar uTh uTh ke dekhtaa ho Aaghosh men zameen kee soyaa huaa ho sabza Phir phir ke jhaaDiyon men paanee chamak raha ho Paanee ko chhoo rahi ho jhuk jhuk ke gul kee Tahnee Jaise haseen koi aa.eena dekhtaa ho Mehndee lagaa.e suraj jab shaam kee dulhan ko Surkhee liye sunahree har phuul kee qabaa ho Raaton ko chalne vaale rah jaa.en thak ke jis dam Ummeed un kee meraa TuuTaa huaa diyaa ho Bijlee chamak ke un ko kuTiyaa miree dikhaa de Jab aasmaan pe har soo baadal ghiraa huaa ho Pichhle pahr kee koyal wo sub.h kee mo.azzin Main us kaa ham-navaa hoon wo meree ham-navaa ho Kaanon pe ho na mere dair o haram kaa ehsaan Rauzan hee jhonpaDee kaa mujh ko sahar-numaa ho Phoolon ko aa.e jis dam shabnam vazoo karaane Ronaa miraa vazoo ho naala miree duaa ho Is khaamushee men jaa.en itne buland naale Taaron ke qaafile ko meree sadaa diraa ho Har dardmand dil ko ronaa miraa rulaa de Behosh jo paDe hain shaayad unhen jagaa de Duniya ki mahfilon se ukta gaya hun ya rab Kya lutf anjuman ka jab dil hi bujh gaya ho Shorish se bhagta hun dil DhunDta hai mera Aisa sukut jis par taqrir bhi fida ho Marta hun KHamushi par ye aarzu hai meri Daman mein koh ke ek chhoTa sa jhonpaDa ho Aazad fikr se hun uzlat mein din guzarun Duniya ke gham ka dil se kanTa nikal gaya ho Lazzat sarod ki ho chiDiyon ke chahchahon mein Chashme ki shorishon mein baja sa baj raha ho Gul ki kali chaTak kar paigham de kisi ka Saghar zara sa goya mujh ko jahan-numa ho Ho hath ka sirhana sabze ka ho bichhauna Sharmae jis se jalwat KHalwat mein wo ada ho Manus is qadar ho surat se meri bulbul Nanhe se dil mein us ke khaTka na kuch mera ho Saf bandhe donon jaanib buTe hare hare hon Naddi ka saf pani taswir le raha ho Ho dil-fareb aisa kohsar ka nazara Pani bhi mauj ban kar uTh uTh ke dekhta ho Aaghosh mein zamin ki soya hua ho sabza Phir phir ke jhaDiyon mein pani chamak raha ho Pani ko chhu rahi ho jhuk jhuk ke gul ki Tahni Jaise hasin koi aaina dekhta ho Mehndi lagae suraj jab sham ki dulhan ko SurKHi liye sunahri har phul ki qaba ho Raaton ko chalne wale rah jaen thak ke jis dam Ummid un ki mera TuTa hua diya ho Bijli chamak ke un ko kuTiya meri dikha de Jab aasman pe har su baadal ghira hua ho Pichhle pahr ki koyal wo subh ki moazzin Main us ka ham-nawa hun wo meri ham-nawa ho Kanon pe ho na mere dair o haram ka ehsan Rauzan hi jhonpaDi ka mujh ko sahar-numa ho Phulon ko aae jis dam shabnam wazu karane Rona mera wazu ho nala meri dua ho Is KHamushi mein jaen itne buland nale Taron ke qafile ko meri sada dira ho Har dardmand dil ko rona mera rula de Behosh jo paDe hain shayad unhen jaga de