ek pahaad aur gilahrii koi pahaad ye kahtaa tha ik gilahrii se

Koi pahaaD ye kahtaa tha ik gilahree se Tujhe ho sharm to paanee men jaa ke Doob mare Zaraa see chiiz hai is par ghuroor! kya kahnaa! Ye aql aur ye samajh ye shu.oor! kya kahnaa! Khudaa kee shaan hai naa-cheez! chiiz ban baiThen! Jo be-shu.oor hon yuun baa-tameez ban baiThen! Tiree bisaat hai kya meree shaan ke aage Zameen hai past miree aan-baan ke aage Jo baat mujh men hai tujh ko wo hai naseeb kahaan Bhalaa pahaaD kahaan jaanvar ghareeb kahaan! Kahaa ye sun ke gilahree ne munh sambhaal zaraa Ye kachchee baaten hain dil se inhen nikaal zaraa! Jo main baDee nahin teree tarah to kya parvaa! Naheen hai too bhee to aakhir miree tarah chhoTaa Har ek chiiz se paidaa khuda kee qudarat hai Koee baDaa koi chhoTaa ye us kee hikmat hai BaDaa jahaan men tujh ko banaa diyaa us ne Mujhe darakht pe chaDhnaa sikhaa diyaa us ne Qadam uThaane kee taaqat nahin zaraa tujh men Niree baDaa.ee hai! khoobee hai aur kya tujh men Jo too baDaa hai to mujh saa hunar dikhaa mujh ko Ye chhaaliyaa hee zaraa tod kar dikhaa mujh ko Naheen hai chiiz nikammee koi zamaane men Koee buraa nahin qudarat ke kaar-khaane men Koi pahaD ye kahta tha ek gilahri se Tujhe ho sharm to pani mein ja ke Dub mare Zara si chiz hai is par ghurur! kya kahna! Ye aql aur ye samajh ye shuur! kya kahna! KHuda ki shan hai na-chiz! chiz ban baiThen! Jo be-shuur hon yun ba-tamiz ban baiThen! Teri bisat hai kya meri shan ke aage Zamin hai past meri aan-ban ke aage Jo baat mujh mein hai tujh ko wo hai nasib kahan Bhala pahaD kahan jaanwar gharib kahan! Kaha ye sun ke gilahri ne munh sambhaal zara Ye kachchi baaten hain dil se inhen nikal zara! Jo main baDi nahin teri tarah to kya parwa! Nahin hai tu bhi to aaKHir meri tarah chhoTa Har ek chiz se paida KHuda ki qudarat hai Koi baDa koi chhoTa ye us ki hikmat hai BaDa jahan mein tujh ko bana diya us ne Mujhe daraKHt pe chaDhna sikha diya us ne Qadam uThane ki taqat nahin zara tujh mein Niri baDai hai! KHubi hai aur kya tujh mein Jo tu baDa hai to mujh sa hunar dikha mujh ko Ye chhaaliya hi zara tod kar dikha mujh ko Nahin hai chiz nikammi koi zamane mein Koi bura nahin qudarat ke kar-KHane mein