farmaan e khuda uttho mirii dunya ke gariibon ko jagaa do
— Allama Iqbal
UTTho miree dunya ke ghareebon ko jagaa do
Kaakh-e-umraa ke dar o deevaar hilaa do
Garmaao ghulaamon kaa lahoo soz-e-yaqeen se
Kunjishk-e-faromaaya ko shaaheen se laDaa do
Sulataani-e-jamhoor kaa aataa hai zamaana
Jo naqsh-e-kuhan tum ko nazar aa.e miTaa do
Jis khet se dahqaan ko mayassar nahin rozee
Us khet ke har khosha-e-gandum ko jalaa do
Kyuun khaaliq o makhlooq men haa.il rahen parde
Peeraan-e-kaleesaa ko kaleesaa se uThaa do
Haq raa ba-sajoode sanamaan raa ba-tavaafe
Behtar hai charaagh-e-haram-o-dair bujhaa do
Main naa-khush o be-zaar hoon marmar kee silon se
Mere liye miTTee kaa haram aur banaa do
Tahzeeb-e-navee kaargah-e-sheeshagaraan hai
Aadaab-e-junoon shaa.ir-e-mashriq ko sikhaa do
UTTho meri duniya ke gharibon ko jaga do
KaKH-e-umra ke dar o diwar hila do
Garmao ghulamon ka lahu soz-e-yaqin se
Kunjishk-e-faromaya ko shahin se laDa do
Sulatani-e-jamhur ka aata hai zamana
Jo naqsh-e-kuhan tum ko nazar aae miTa do
Jis khet se dahqan ko mayassar nahin rozi
Us khet ke har KHosha-e-gandum ko jala do
Kyun KHaliq o maKHluq mein hail rahen parde
Piran-e-kalisa ko kalisa se uTha do
Haq ra ba-sajude sanaman ra ba-tawafe
Behtar hai charagh-e-haram-o-dair bujha do
Main na-KHush o be-zar hun marmar ki silon se
Mere liye miTTi ka haram aur bana do
Tahzib-e-nawi kargah-e-shishagaran hai
Aadab-e-junun shair-e-mashriq ko sikha do