hazaar khauf ho lekin zabaan ho dil ki rafiiq

Hazaar khauf ho lekin zabaan ho dil kee rafeeq Yahee raha hai azal se qalandaron kaa tareeq Hujoom kyuun hai ziyaada sharaab-khaane men Faqat ye baat ki peer-e-mughaan hai mard-e-khaleeq Ilaaj-e-zof-e-yaqeen in se ho naheen saktaa Ghareeb agarche hain 'raazee' ke nukta-haa-e-daqeeq Mureed-e-saada to ro ro ke ho gaya taa.ib Khuda kare ki mile shaikh ko bhee ye taufeeq Usee tilism-e-kuhan men asiir hai aadam Baghal men us kee hain ab tak butaan-e-ahd-e-ateeq Mire liye to hai iqraar-e-bil-lisaan bhee bahut Hazaar shukr ki mullaa hain saahib-e-tasdeeq Agar ho ishq to hai kufr bhee musalmaanee Na ho to mard-e-musalmaan bhee kaafir o zindeeq