iltijaa e musaafir farishte padhte hain jis ko wo naam hai teraa

Farishte paDhte hain jis ko wo naam hai teraa BaDee janaab tiree faiz aam hai teraa Sitaare ishq ke teree kashish se hain qaa.em Nizaam-e-mehr kee soorat nizaam hai teraa Tiree lahad kee ziyaarat hai zindagee dil kee Maseeh o khizr se oonchaa maqaam hai teraa Nihaan hai teree mohabbat men rang-e-mahboobee BaDee hai shaan baDaa ehtiraam hai teraa Agar siyaah dilam daagh-e-laala-zaar-e-tavaam Digar kushaada jabeenam gul-e-bahaar-e-tavaam Chaman ko chhoD ke niklaa hoon misl-e-nik.hat-e-gul Huaa hai sabr kaa manzoor imtihaan mujh ko Chalee hai le ke vatan ke nigaar-khaane se Sharaab-e-ilm kee lazzat kashaan kashaan mujh ko Nazar hai abr-e-karam par darakht-e-sahraa hoon Kiyaa khuda ne na mohtaaj-e-baaghbaan mujh ko Falak-nasheen sifat-e-mehr hoon zamaane men Tiree duaa se ataa ho wo nardbaan mujh ko Maqaam ham-safaron se ho is qadar aage Ki samjhe manzil-e-maqsood kaarvaan mujh ko Miree zabaan-e-qalam se kisee kaa dil na dukhe Kisee se shikva na ho zer-e-aasmaan mujh ko Dilon ko chaak kare misl-e-shaana jis kaa asar Tiree janaab se aisi mile fughaan mujh ko Banaayaa tha jise chun chun ke khaar o khas main ne Chaman men phir nazar aa.e wo aashiyaan mujh ko Phir aa rakhoon qadam-e-maadar-o-pidar pe jabeen Kiyaa jinhon ne mohabbat kaa raaz-daan mujh ko Vo sham-e-baargah-e-khaandaan-e-murtazvee Rahegaa misl-e-haram jis kaa aastaan mujh ko Nafas se jis ke khilee meree aarzoo kee kalee Banaayaa jis kee muravvat ne nukta-daan mujh ko Duaa ye kar ki khudaavand-e-aasmaan-o-zameen Kare phir us kee ziyaarat se shaadmaan mujh ko Vo meraa yoosuf-e-saanee wo sham-e-mahfil-e-ishq Huee hai jis kee ukhuvvat qaraar-e-jaan mujh ko Jalaa ke jis kee mohabbat ne daftar-e-man-o-too Havaa-e-aish men paalaa kiyaa javaan mujh ko Riyaaz-e-dahr men maanind-e-gul rahe khandaan Ki hai azeez-tar az-jaan wo jaan-e-jaan mujh ko Shagufta ho ke kalee dil kee phuul ho jaa.e Ye iltijaa-e-musaafir qubool ho jaa.e Farishte paDhte hain jis ko wo nam hai tera BaDi janab teri faiz aam hai tera Sitare ishq ke teri kashish se hain qaem Nizam-e-mehr ki surat nizam hai tera Teri lahad ki ziyarat hai zindagi dil ki Masih o KHizr se uncha maqam hai tera Nihan hai teri mohabbat mein rang-e-mahbubi BaDi hai shan baDa ehtiram hai tera Agar siyah dilam dagh-e-lala-zar-e-tawam Digar kushada jabinam gul-e-bahaar-e-tawam Chaman ko chhoD ke nikla hun misl-e-nikhat-e-gul Hua hai sabr ka manzur imtihan mujh ko Chali hai le ke watan ke nigar-KHane se Sharab-e-ilm ki lazzat kashan kashan mujh ko Nazar hai abr-e-karam par daraKHt-e-sahra hun Kiya KHuda ne na mohtaj-e-baghban mujh ko Falak-nashin sifat-e-mehr hun zamane mein Teri dua se ata ho wo nardban mujh ko Maqam ham-safaron se ho is qadar aage Ki samjhe manzil-e-maqsud karwan mujh ko Meri zaban-e-qalam se kisi ka dil na dukhe Kisi se shikwa na ho zer-e-asman mujh ko Dilon ko chaak kare misl-e-shana jis ka asar Teri janab se aisi mile fughan mujh ko Banaya tha jise chun chun ke KHar o KHas main ne Chaman mein phir nazar aae wo aashiyan mujh ko Phir aa rakhun qadam-e-madar-o-pidar pe jabin Kiya jinhon ne mohabbat ka raaz-dan mujh ko Wo sham-e-bargah-e-KHandan-e-murtazwi Rahega misl-e-haram jis ka aastan mujh ko Nafas se jis ke khili meri aarzu ki kali Banaya jis ki murawwat ne nukta-dan mujh ko Dua ye kar ki KHudawand-e-asman-o-zamin Kare phir us ki ziyarat se shadman mujh ko Wo mera yusuf-e-sani wo sham-e-mahfil-e-ishq Hui hai jis ki uKHuwwat qarar-e-jaan mujh ko Jala ke jis ki mohabbat ne daftar-e-man-o-tu Hawa-e-aish mein pala kiya jawan mujh ko Riyaz-e-dahr mein manind-e-gul rahe KHandan Ki hai aziz-tar az-jaan wo jaan-e-jaan mujh ko Shagufta ho ke kali dil ki phul ho jae Ye iltija-e-musafir qubul ho jae