jibraiil o ibliis jibraiil

Jibra.eel Hamdam-e-daireena kaisaa hai jahaan-e-rang-o-boo Iblees Soz-o-saaz o dard o daagh o justujoo o aarzoo Jibra.eel Har ghaDee aflaak par rahtee hai teree guftugoo Kyaa nahin mumkin ki teraa chaak daaman ho rafoo Iblees Aah ai jibreel too vaaqif nahin is raaz se Kar gaya sarmast mujh ko Toot kar meraa suboo Ab yahaan meree guzar mumkin nahin mumkin nahin Kis qadar khaamosh hai ye aalam-e-be-Kaakh-o-koo Jis kee naumeedee se ho soz-e-daroon-e-kaa.enaat Us ke haq men taqnatoo achchhaa hai yaa laa-taqnatoo Jibra.eel Kho diye inkaar se too ne maqaamaat-e-buland Chashm-e-yazdaan men farishton kee rahi kya aabroo Iblees Hai miree jur.at se musht-e-khaak men zauq-e-numoo Mere fitne jaama-e-aql-o-khirad kaa taar-o-poo Dekhtaa hai too faqat saahil se razm-e-khair-o-shar Kaun toofaan ke tamaanche khaa raha hai main ki too Khizr bhee be-dast-o-paa ilyaas bhee be-dast-o-paa Mere toofaan yam-ba-yam Dariya-ba-Dariya joo-ba-joo Gar kabhi khalvat mayassar ho to poochh allaah se Qissa-e-aadam ko rangeen kar gaya kis kaa lahoo Main khaTaktaa hoon dil-e-yazdaan men kaanTe kee tarah Too faqat allaah-hoo allaah-hoo allaah-hoo Jibrail Hamdam-e-dairina kaisa hai jahan-e-rang-o-bu Iblis Soz-o-saz o dard o dagh o justuju o aarzu Jibrail Har ghaDi aflak par rahti hai teri guftugu Kya nahin mumkin ki tera chaak daman ho rafu Iblis Aah ai jibril tu waqif nahin is raaz se Kar gaya sarmast mujh ko TuT kar mera subu Ab yahan meri guzar mumkin nahin mumkin nahin Kis qadar KHamosh hai ye aalam-e-be-KaKH-o-ku Jis ki naumidi se ho soz-e-darun-e-kaenat Us ke haq mein taqnatu achchha hai ya la-taqnatu Jibrail Kho diye inkar se tu ne maqamat-e-buland Chashm-e-yazdan mein farishton ki rahi kya aabru Iblis Hai meri jurat se musht-e-KHak mein zauq-e-numu Mere fitne jama-e-aql-o-KHirad ka tar-o-pu Dekhta hai tu faqat sahil se razm-e-KHair-o-shar Kaun tufan ke tamanche kha raha hai main ki tu KHizr bhi be-dast-o-pa ilyas bhi be-dast-o-pa Mere tufan yam-ba-yam dariya-ba-dariya ju-ba-ju Gar kabhi KHalwat mayassar ho to puchh allah se Qissa-e-adam ko rangin kar gaya kis ka lahu Main khaTakta hun dil-e-yazdan mein kanTe ki tarah Tu faqat allah-hu allah-hu allah-hu