khizr e raah shaa ir

Shaa'ir Saahil-e-Dariya pe main ik raat tha mahv-e-nazar Gosha-e-dil men chhupaa.e ik jahaan-e-iztiraab Shab sukoot-afzaa havaa aasooda Dariya narm sair Thee nazar hairaan ki ye Dariya hai yaa tasveer-e-aab Jaise gahvaare men so jaataa hai tifl-e-sheer-khvaar Mauj-e-muztar thee kaheen gahraa.iyon men mast-e-khvaab Raat ke afsoon se taa.ir aashiyaanon men asiir Anjum-e-kam-zau giraftaar-e-tilism-e-maahtaab Dekhtaa kya hoon ki wo paik-e-jahaan-paimaa khizr Jis kee piiree men hai maanind-e-sahar rang-e-shabaab Kah raha hai mujh se ai jooyaa-e-asraar-e-azal Chashm-e-dil vaa ho to hai taqdeer-e-aalam be-hijaab Dil men ye sun kar bapaa hangaama-e-mahshar huaa Main shaheed-e-justujoo tha yuun sukhan-gustar huaa Ai tiree chashm-e-jahaan-been par wo toofaan aashkaar Jin ke hangaame abhee Dariya men sote hain khamosh Kashtee-e-miskeen-o-jaan-e-paak-o-deevaar-e-yateem Ilm-e-moosaa bhee hai tire saamne hairat-farosh ChhoD kar aabaadiyaan rahtaa hai too sahraa-navard Zindagee teree hai be-roz-o-shab-o-fardaa-o-dosh Zindagee kaa raaz kya hai saltanat kya chiiz hai Aur ye sarmaaya-o-mehnat men hai kaisaa kharosh Ho raha hai asia kaa khirqa-e-dereena chaak Naujavaan aqvaam-e-nau-daulat ke hain pairaaya-posh Garche askandar raha mahroom-e-aab-e-zindagee Fitrat-e-askandaree ab tak hai garm-e-naao-nosh Bechtaa hai haashmee naamoos deen-e-mustafaa Khaak-o-khoon men mil raha hai turkamaan-e-sakht-kosh Aag hai aulaad-e-ibraaheem hai namrood hai Kyaa kisee ko phir kisee kaa imtihaan maqsood hai Javaab-e-khizr Sahraa-navardee Kyuun ta'ajjub hai miree sahraa-navardee par tujhe Ye tagaa-poo-e-damaadam zindagee kee hai daleel Ai raheen-e-khaana too ne wo samaan dekhaa nahin Goonjtee hai jab fazaa-e-dasht men baang-e-raheel Ret ke Tiile pe wo aahoo kaa be-parvaa khiraam Vo hazar be-barg-o-saamaan wo safar be-sang-o-meel Vo numood-e-akhtar-e-seemaab-paa hangaam-e-sub.h Yaa numaayaan baam-e-gardoon se jabeen-e-jibra.eel Vo sukoot-e-shaam-e-sahraa men ghuroob-e-aaftaab Jas se raushan-tar huee chashm-e-jahaan-been-e-khaleel Aur wo paanee ke chashme par maqaam-e-kaarvaan Ahl-e-eemaan jas tarah jannat men gird-e-salsabeel Taaza veeraane kee sauda-e-mohabbat ko talaash Aur aabaadee men too zanjeeree-e-kisht-o-nakheel Pukhta-tar hai gardish-e-paiham se jaam-e-zindagee Hai yahee ai be-khabar raaz-e-davaam-e-zindagee Zindagee Bartar az andesha-e-sood-o-ziyaan hai zindagee Hai kabhi jaan aur kabhi tasleem-e-jaan hai zindagee Too ise paimaana-e-imroz-o-fardaa se na naap Jaavedaan paiham davaan har-dam javaan hai zindagee Apnee dunya aap paidaa kar agar zindon men hai Sirr-e-aadam hai zameer-e-kun-fakaan hai zindagee Zindagaanee kee haqeeqat kohkan ke dil se poochh Joo-e-sheer-o-tesha-o-sang-e-garaan hai zindagee Bandagee men ghaT ke rah jaatee hai ik joo-e-kam-aab Aur aazaadee men bahr-e-be-karaan hai zindagee Aashkaaraa hai ye apnee quvvat-e-taskheer se Garche ik miTTee ke paikar men nihaan hai zindagee Qulzum-e-hastee se to ubhraa hai maanind-e-habaab Is ziyaan-khaane men teraa imtihaan hai zindagee Khaam hai jab tak too hai miTTee kaa ik ambaar too Pukhta ho jaa.e too hai shamsher-e-be-zinhaar too Ho sadaaqat ke liye jis dil men marne kee taDap Pahle apne paikar-e-khaakee men jaan paidaa kare Phoonk Daale ye zameen-o-aasmaan-e-musta'aar Aur khaakistar se aap apna jahaan paidaa kare Zindagee kee quvvat-e-pinhaan ko kar de aashkaar Taa ye chingaaree frogh-e-jaavedaan paidaa kare Khaak-e-mashriq par chamak jaa.e misaal-e-aaftaab Taa-badakhshaan phir vahee laa'l-e-giraan paidaa kare Soo-e-gardoon naala-e-shab-geer kaa bheje safeer Raat ke taaron men apne raaz-daan paidaa kare Ye ghaDee mahshar kee hai too arsa-e-mehshar men hai Pesh kar ghaafil 'amal koi agar daftar men hai Saltanat Aa bataa.oon tujh ko ramz-e-aaya-e-innal-mulook Saltanat aqvaam-e-ghaalib kee hai ik jaadoogaree Khvaab se be-daar hota hai zaraa mahkoom agar Phir sulaa detee hai us ko hukmaraan kee saahiree Jaadoo-e-mahmood kee taaseer se chashm-e-ayaaz Dekhtee hai halqa-e-gardan men saaz-e-dil-baree Khoon-e-israa.eel aa jaataa hai aakhir josh men ToD deta hai koi muusaa tilism-e-saamaree Sarvaree zebaa faqat us zaat-e-be-hamtaa ko hai Hukmaraan hai ik vahee baaqee butaan-e-aazaree Az ghulaamee fitrat-e-aazaad raa rusvaa makun Taa-taraashee khvaaja-e-az-barahman kaafir tiree Hai vahee saaz-e-kuhan maghrib kaa jamhooree nizaam Jis ke pardon men nahin ghair-az-navaa-e-qaisaree Dev-e-istibdaad jamhooree qabaa men paa-e-koob Too samajhtaa hai ye aazaadee kee hai neelam-paree Majlis-e-aa.een-o-islaah-o-ri.aayaat-o-huqooq Tibb-e-maghrib men maze meeThe asar khvaab-aavaree Garmee-e-guftaar aazaa-e-majaalis al-amaan Ye bhee ik sarmaaya-daaron kee hai jang-e-zargaree Is saraab-e-rang-o-boo ko gulistaan samjhaa hai too Aah ai naadaan qafas ko aashiyaan samjhaa hai too Sarmaaya-o-mehnat Banda-e-mazdoor ko jaa kar miraa paighaam de Khizr kaa paighaam kya hai ye payaam-e-kaa.enaat Ai ki tujh ko khaa gaya sarmaaya-daar-e-heela-gar Shaakh-e-aahoo par rahi sadiyon talak teree baraat Dast-e-daulat-aafreen ko muzd yuun miltee rahi Ahl-e-sarvat jaise dete hain ghareebon ko zakaat Saahir-al-moot ne tujh ko diyaa barg-e-hasheesh Aur too ai be-khabar samjhaa use shaakh-e-nabaat Nasl qaumiyat kaleesaa saltanat tahzeeb rang Khvaajgee ne khuub chun chun ke banaa.e muskiraat KaT maraa naadaan khayaalee devtaaon ke liye Sukr kee lazzat men too luTvaa gaya naqd-e-hayaat Makr kee chaalon se baazee le gaya sarmaaya-daar Intihaa-e-saadgee se khaa gaya mazdoor maat UTh ki ab bazm-e-jahaan kaa aur hee andaaz hai Mashriq-o-maghrib men tere daur kaa aaghaaz hai Himmat-e-aalee to Dariya bhee nahin kartee qubool Ghuncha saan ghaafil tire daaman men shabnam kab talak Naghma-e-bedaaree-e-jamhoor hai saamaan-e-'aish Qissa-e-khvaab-aavar askandar-o-jam kab talak Aaftaab-e-taaza paidaa batn-e-geetee se huaa Aasmaan Duube hue taaron kaa maatam kab talak ToD Daaleen fitrat-e-insaan ne zanjeeren tamaam Dooree-e-jannat se rotee chashm-e-aadam kab talak Baaghbaan-e-chaara-farmaa se ye kahtee hai bahaar Zakhm-e-gul ke vaaste tadbeer-e-marham kab talak Kirmak-e-naadaan tavaaf-e-sham.a se aazaad ho Apnee fitrat ke tajallee-zaar men aabaad ho Duniyaa-e-islaam Kyaa sunaataa hai mujhe turk-o-arab kee daastaan Mujh se kuch pinhaan nahin islaamiyon kaa soz-o-saaz Le ga.e taslees ke farzand meeraas-e-khaleel Khisht-e-buniyaad-e-kaleesaa ban ga.ee khaak-e-hijaaz Ho ga.ee rusvaa zamaane men kulaah-e-laala-rang Jo saraapaa naaz the hain aaj majboor-e-niyaaz Le raha hai mai-faroshaan-e-farangistaan se paars Vo mai-e-sarkash haraarat jis kee hai meenaa-gudaaz Hikmat-e-maghrib se millat kee ye kaifiyyat huee TukDe TukDe jis tarah sone ko kar deta hai gaaz Ho gaya maanind-e-aab arzaan musalmaan kaa lahoo Muztarib hai too ki teraa dil nahin daanaa-e-raaz Guft ruumee har banaa-e-kuhanaa ki-aabaadaan kunand Mee na-daanee avval aan buniyaad raa veeraan kunand Mulk haathon se gaya millat kee aankhen khul ga.iin Haq tiraa chashme 'ataa kar dast-e-ghaafil dar nigar Momyaa.ee kee gadaa.ee se to behtar hai shikast Mor-e-be-par haajate pesh-e-sulaimaane mabar Rabt-o-zabt-e-millat-e-baizaa hai mashriq kee najaat Asia vaale hain is nukte se ab tak be-khabar Phir siyaasat chhoD kar daakhil hisaar-e-deen men ho Mulk-o-daulat hai faqat hifz-e-haram kaa ik samar Ek hoon muslim haram kee paasbaanee ke liye Niil ke saahil se le kar taa-ba-khaak-e-kaashghar Jo karegaa imtiyaaz-e-rang-o-khoon miT jaa.egaa Turk-e-khargaahee ho yaa aaraabee-e-vaalaa-guhar Nasl agar muslim kee maz.hab par muqaddam ho ga.ee UD gaya dunya se too maanind-e-khaak-e-raah-guzar Taa-khilaafat kee binaa dunya men ho phir ustuvaar Laa kaheen se DhoonD kar aslaaf kaa qalb-o-jigar Ai ki na-shinaasee khafee raa az jalee hushiyaar baash Ai giraftaar-e-aboo-bakr-o-alee hushiyaar-baash 'ishq ko fariyaad laazim thee so wo bhee ho chukee Ab zaraa dil thaam kar fariyaad kee taaseer dekh Too ne dekhaa satvat-e-raftaar-e-Dariya kaa 'urooj Mauj-e-muztar kis tarah bantee hai ab zanjeer dekh 'aam hurriyat kaa jo dekhaa tha khvaab islaam ne Ai musalmaan aaj too us khvaab kee taa'beer dekh Apnee khaakistar samundar ko hai saamaan-e-vajood Mar ke phir hota hai paidaa ye jahaan-e-peer dekh Khol kar aankhen mire aa.eena-e-guftaar men Aane vaale daur kee dhundlee see ik tasveer dekh Aazmooda fitna hai ik aur bhee gardoon ke paas Saamne taqdeer ke rusvaa.ee-e-tadbeer dekh Muslim astee siina raa az aarzoo-aabaad daar Har zamaan pesh-e-nazar laa-yukhlif-ul-mee.aad daar Sha'ir Sahil-e-dariya pe main ek raat tha mahw-e-nazar Gosha-e-dil mein chhupae ek jahan-e-iztirab Shab sukut-afza hawa aasuda dariya narm sair Thi nazar hairan ki ye dariya hai ya taswir-e-ab Jaise gahware mein so jata hai tifl-e-shir-KHwar Mauj-e-muztar thi kahin gahraiyon mein mast-e-KHwab Raat ke afsun se tair aashiyanon mein asir Anjum-e-kam-zau giraftar-e-tilism-e-mahtab Dekhta kya hun ki wo paik-e-jahan-paima KHizr Jis ki piri mein hai manind-e-sahar rang-e-shabab Kah raha hai mujh se ai juya-e-asrar-e-azal Chashm-e-dil wa ho to hai taqdir-e-alam be-hijab Dil mein ye sun kar bapa hangama-e-mahshar hua Main shahid-e-justuju tha yun suKHan-gustar hua Ai teri chashm-e-jahan-bin par wo tufan aashkar Jin ke hangame abhi dariya mein sote hain KHamosh Kashti-e-miskin-o-jaan-e-pak-o-diwar-e-yatim Ilm-e-musa bhi hai tere samne hairat-farosh ChhoD kar aabaadiyan rehta hai tu sahra-naward Zindagi teri hai be-roz-o-shab-o-farda-o-dosh Zindagi ka raaz kya hai saltanat kya chiz hai Aur ye sarmaya-o-mehnat mein hai kaisa KHarosh Ho raha hai asia ka KHirqa-e-derina chaak Naujawan aqwam-e-nau-daulat ke hain pairaya-posh Garche askandar raha mahrum-e-ab-e-zindagi Fitrat-e-askandari ab tak hai garm-e-nao-nosh Bechta hai hashmi namus din-e-mustafa KHak-o-KHun mein mil raha hai turkaman-e-saKHt-kosh Aag hai aulad-e-ibrahim hai namrud hai Kya kisi ko phir kisi ka imtihan maqsud hai Jawab-e-KHizr Sahra-nawardi Kyun ta'ajjub hai meri sahra-nawardi par tujhe Ye taga-pu-e-damadam zindagi ki hai dalil Ai rahin-e-KHana tu ne wo saman dekha nahin Gunjti hai jab faza-e-dasht mein bang-e-rahil Ret ke Tile pe wo aahu ka be-parwa KHiram Wo hazar be-barg-o-saman wo safar be-sang-o-mil Wo numud-e-aKHtar-e-simab-pa hangam-e-subh Ya numayan baam-e-gardun se jabin-e-jibrail Wo sukut-e-sham-e-sahra mein ghurub-e-aftab Jas se raushan-tar hui chashm-e-jahan-bin-e-KHalil Aur wo pani ke chashme par maqam-e-karwan Ahl-e-iman jas tarah jannat mein gird-e-salsabil Taza virane ki sauda-e-mohabbat ko talash Aur aabaadi mein tu zanjiri-e-kisht-o-naKHil PuKHta-tar hai gardish-e-paiham se jam-e-zindagi Hai yahi ai be-KHabar raaz-e-dawam-e-zindagi Zindagi Bartar az andesha-e-sud-o-ziyan hai zindagi Hai kabhi jaan aur kabhi taslim-e-jaan hai zindagi Tu ise paimana-e-imroz-o-farda se na nap Jawedan paiham dawan har-dam jawan hai zindagi Apni duniya aap paida kar agar zindon mein hai Sirr-e-adam hai zamir-e-kun-fakan hai zindagi Zindagani ki haqiqat kohkan ke dil se puchh Ju-e-shir-o-tesha-o-sang-e-garan hai zindagi Bandagi mein ghaT ke rah jati hai ek ju-e-kam-ab Aur aazadi mein bahr-e-be-karan hai zindagi Aashkara hai ye apni quwwat-e-tasKHir se Garche ek miTTi ke paikar mein nihan hai zindagi Qulzum-e-hasti se to ubhra hai manind-e-habab Is ziyan-KHane mein tera imtihan hai zindagi KHam hai jab tak tu hai miTTi ka ek ambar tu PuKHta ho jae tu hai shamsher-e-be-zinhaar tu Ho sadaqat ke liye jis dil mein marne ki taDap Pahle apne paikar-e-KHaki mein jaan paida kare Phunk Dale ye zamin-o-asman-e-musta'ar Aur KHakistar se aap apna jahan paida kare Zindagi ki quwwat-e-pinhan ko kar de aashkar Ta ye chingari frogh-e-jawedan paida kare KHak-e-mashriq par chamak jae misal-e-aftab Ta-badaKHshan phir wahi la'l-e-giran paida kare Su-e-gardun nala-e-shab-gir ka bheje safir Raat ke taron mein apne raaz-dan paida kare Ye ghaDi mahshar ki hai tu arsa-e-mehshar mein hai Pesh kar ghafil 'amal koi agar daftar mein hai Saltanat Aa bataun tujh ko ramz-e-aya-e-innal-muluk Saltanat aqwam-e-ghaalib ki hai ek jadugari KHwab se be-dar hota hai zara mahkum agar Phir sula deti hai us ko hukmaran ki sahiri Jadu-e-mahmud ki tasir se chashm-e-ayaz Dekhti hai halqa-e-gardan mein saz-e-dil-bari KHun-e-israil aa jata hai aaKHir josh mein ToD deta hai koi musa tilism-e-samari Sarwari zeba faqat us zat-e-be-hamta ko hai Hukmaran hai ek wahi baqi butan-e-azari Az ghulami fitrat-e-azad ra ruswa makun Ta-tarashi KHwaja-e-az-barahman kafir teri Hai wahi saz-e-kuhan maghrib ka jamhuri nizam Jis ke pardon mein nahin ghair-az-nawa-e-qaisari Dew-e-istibdad jamhuri qaba mein pa-e-kub Tu samajhta hai ye aazadi ki hai nilam-pari Majlis-e-ain-o-islah-o-riayat-o-huquq Tibb-e-maghrib mein maze miThe asar KHwab-awari Garmi-e-guftar aaza-e-majalis al-aman Ye bhi ek sarmaya-daron ki hai jang-e-zargari Is sarab-e-rang-o-bu ko gulistan samjha hai tu Aah ai nadan qafas ko aashiyan samjha hai tu Sarmaya-o-mehnat Banda-e-mazdur ko ja kar mera paigham de KHizr ka paigham kya hai ye payam-e-kaenat Ai ki tujh ko kha gaya sarmaya-dar-e-hila-gar ShaKH-e-ahu par rahi sadiyon talak teri baraat Dast-e-daulat-afrin ko muzd yun milti rahi Ahl-e-sarwat jaise dete hain gharibon ko zakat Sahir-al-mut ne tujh ko diya barg-e-hashish Aur tu ai be-KHabar samjha use shaKH-e-nabaat Nasl qaumiyat kalisa saltanat tahzib rang KHwajgi ne KHub chun chun ke banae muskiraat KaT mara nadan KHayali dewtaon ke liye Sukr ki lazzat mein tu luTwa gaya naqd-e-hayat Makr ki chaalon se bazi le gaya sarmaya-dar Intiha-e-sadgi se kha gaya mazdur mat UTh ki ab bazm-e-jahan ka aur hi andaz hai Mashriq-o-maghrib mein tere daur ka aaghaz hai Himmat-e-ali to dariya bhi nahin karti qubul Ghuncha san ghafil tere daman mein shabnam kab talak Naghma-e-bedari-e-jamhur hai saman-e-'aish Qissa-e-KHwab-awar askandar-o-jam kab talak Aaftab-e-taza paida batn-e-giti se hua Aasman Dube hue taron ka matam kab talak ToD Dalin fitrat-e-insan ne zanjiren tamam Duri-e-jannat se roti chashm-e-adam kab talak Baghban-e-chaara-farma se ye kahti hai bahaar ZaKHm-e-gul ke waste tadbir-e-marham kab talak Kirmak-e-nadan tawaf-e-shama se aazad ho Apni fitrat ke tajalli-zar mein aabaad ho Duniya-e-islam Kya sunata hai mujhe turk-o-arab ki dastan Mujh se kuch pinhan nahin islamiyon ka soz-o-saz Le gae taslis ke farzand miras-e-KHalil KHisht-e-buniyaad-e-kalisa ban gai KHak-e-hijaz Ho gai ruswa zamane mein kulah-e-lala-rang Jo sarapa naz the hain aaj majbur-e-niyaz Le raha hai mai-faroshan-e-farangistan se pars Wo mai-e-sarkash hararat jis ki hai mina-gudaz Hikmat-e-maghrib se millat ki ye kaifiyyat hui TukDe TukDe jis tarah sone ko kar deta hai gaz Ho gaya manind-e-ab arzan musalman ka lahu Muztarib hai tu ki tera dil nahin dana-e-raaz Guft rumi har bana-e-kuhana ki-abaadan kunand Mi na-dani awwal aan buniyaad ra viran kunand Mulk hathon se gaya millat ki aankhen khul gain Haq tera chashme 'ata kar dast-e-ghafil dar nigar Momyai ki gadai se to behtar hai shikast Mor-e-be-par hajate pesh-e-sulaimane mabar Rabt-o-zabt-e-millat-e-baiza hai mashriq ki najat Asia wale hain is nukte se ab tak be-KHabar Phir siyasat chhoD kar daKHil hisar-e-din mein ho Mulk-o-daulat hai faqat hifz-e-haram ka ek samar Ek hun muslim haram ki pasbani ke liye Nil ke sahil se le kar ta-ba-KHak-e-kashghar Jo karega imtiyaz-e-rang-o-KHun miT jaega Turk-e-KHargahi ho ya aarabi-e-wala-guhar Nasl agar muslim ki mazhab par muqaddam ho gai UD gaya duniya se tu manind-e-KHak-e-rah-guzar Ta-KHilafat ki bina duniya mein ho phir ustuwar La kahin se DhunD kar aslaf ka qalb-o-jigar Ai ki na-shinasi KHafi ra az jali hushiyar bash Ai giraftar-e-abu-bakr-o-ali hushiyar-bash 'ishq ko fariyaad lazim thi so wo bhi ho chuki Ab zara dil tham kar fariyaad ki tasir dekh Tu ne dekha satwat-e-raftar-e-dariya ka 'uruj Mauj-e-muztar kis tarah banti hai ab zanjir dekh 'am hurriyat ka jo dekha tha KHwab islam ne Ai musalman aaj tu us KHwab ki ta'bir dekh Apni KHakistar samundar ko hai saman-e-wajud Mar ke phir hota hai paida ye jahan-e-pir dekh Khol kar aankhen mere aaina-e-guftar mein Aane wale daur ki dhundli si ek taswir dekh Aazmuda fitna hai ek aur bhi gardun ke pas Samne taqdir ke ruswai-e-tadbir dekh Muslim asti sina ra az aarzu-abaad dar Har zaman pesh-e-nazar la-yuKHlif-ul-miad dar