khudii wo bahr hai jis kaa koi kinaara nahin

Khudee wo bahr hai jis kaa koee kinaara naheen Too aabjoo ise samjhaa agar to chaara naheen Tilism-e-gumbad-e-gardoon ko toD sakte hain Zujaaj kee ye imaarat hai sang-e-khaara naheen Khudee men Doobte hain phir ubhar bhee aate hain Magar ye hausla-e-mard-e-hech-kaara naheen Tire maqaam ko anjum-shanaas kya jaane Ki khaak-e-zinda hai too taaba-e-sitaara naheen Yaheen bahisht bhee hai huur o jibra.eel bhee hai Tiree nigah men abhee shokhi-e-nazaara naheen Mire junoon ne zamaane ko khuub pahchaanaa Wo pairahan mujhe bakhshaa ki paara paara naheen Ghazab hai ain-e-karam men bakheel hai fitrat Ki laal-e-naab men aatish to hai sharaara naheen