laa phir ik baar vahii baada o jaam ai saaqii

Laa phir ik baar vahee baada o jaam ai saaqee Haath aa jaa.e mujhe meraa maqaam ai saaqee Tiin sau saal se hain hind ke mai-khaane band Ab munaasib hai tiraa faiz ho aam ai saaqee Meree meenaa-e-ghazal men thee zaraa see baaqee Shekh kahtaa hai ki hai ye bhee haraam ai saaqee Sher mardon se huaa besha-e-tehqeeq tahee Rah ga.e suufee o mullaa ke ghulaam ai saaqee Ishq kee tegh-e-jigar-daar uDaa lee kis ne Ilm ke haath men khaalee hai niyaam ai saaqee Siina raushan ho to hai soz-e-sukhan ain-e-hayaat Ho na raushan to sukhan marg-e-davaam ai saaqee Too miree raat ko mahtaab se mahroom na rakh Tire paimaane men hai maah-e-tamaam ai saaqee