maan kaa khvaab main soii jo ik shab to dekhaa ye khvaab

Main soee jo ik shab to dekhaa ye khvaab BaDhaa aur jis se miraa iztiraab Ye dekhaa ki main jaa rahi hoon kaheen Andheraa hai aur raah miltee nahin Laraztaa tha Dar se miraa baal baal Qadam kaa tha dahshat se uThnaa muhaal Jo kuch hausla paa ke aage baDhee To dekhaa qataar ek laDkon kee thee Zamurrad see poshaak pahne hue Diye sab ke haathon men jalte hue Vo chup-chaap the aage peechhe ravaan Khudaa jaane jaanaa tha un ko kahaan Isee soch men thee ki meraa pisar Mujhe is jamaa.at men aayaa nazar Vo peechhe tha aur tez chaltaa na tha Diyaa us ke haathon men jaltaa na tha Kahaa main ne pahchaan kar meree jaan Mujhe chhoD kar aa ga.e tum kahaan Judaa.ee men rahtee hoon main be-qaraar Pirotee hoon har roz ashkon ke haar Na parvaa hamaaree zaraa tum ne kee Ga.e chhoD achchhee wafa tum ne kee Jo bachche ne dekhaa miraa pech-o-taab Diyaa us ne munh pher kar yuun javaab Rulaatee hai tujh ko judaa.ee miree Naheen is men kuch bhee bhalaa.ee miree Ye kah kar wo kuch der tak chup raha Diyaa phir dikhaa kar ye kahne lagaa Samajhtee hai too ho gaya kya ise? Tire aan.suon ne bujhaayaa ise! Main soi jo ek shab to dekha ye KHwab BaDha aur jis se mera iztirab Ye dekha ki main ja rahi hun kahin Andhera hai aur rah milti nahin Larazta tha Dar se mera baal baal Qadam ka tha dahshat se uThna muhaal Jo kuch hausla pa ke aage baDhi To dekha qatar ek laDkon ki thi Zamurrad si poshak pahne hue Diye sab ke hathon mein jalte hue Wo chup-chap the aage pichhe rawan KHuda jaane jaana tha un ko kahan Isi soch mein thi ki mera pisar Mujhe is jamaat mein aaya nazar Wo pichhe tha aur tez chalta na tha Diya us ke hathon mein jalta na tha Kaha main ne pahchan kar meri jaan Mujhe chhoD kar aa gae tum kahan Judai mein rahti hun main be-qarar Piroti hun har roz ashkon ke haar Na parwa hamari zara tum ne ki Gae chhoD achchhi wafa tum ne ki Jo bachche ne dekha mera pech-o-tab Diya us ne munh pher kar yun jawab Rulati hai tujh ko judai meri Nahin is mein kuch bhi bhalai meri Ye kah kar wo kuch der tak chup raha Diya phir dikha kar ye kahne laga Samajhti hai tu ho gaya kya ise? Tere aansuon ne bujhaya ise!