masjid e qurtuba silsila e roz o shab naqsh gar e haadsaat

Silsila-e-roz-o-shab naqsh-gar-e-haadsaat Silsila-e-roz-o-shab asl-e-hayaat-o-mamaat Silsila-e-roz-o-shab taar-e-hareer-e-do-rang Jis se banaatee hai zaat apnee qabaa-e-sifaat Silsila-e-roz-o-shab saaz-e-azal kee fughaan Jis se dikhaatee hai zaat zer-o-bam-e-mumkinaat Tujh ko parakhtaa hai ye mujh ko parakhtaa hai ye Silsila-e-roz-o-shab sairafi-e-kaa.enaat Too ho agar kam ayaar main hoon agar kam ayaar Maut hai teree baraat maut hai meree baraat Tere shab-o-roz kee aur haqeeqat hai kya Ek zamaane kee rau jis men na din hai na raat Aani-o-faanee tamaam mojaza-haa-e-hunar Kaar-e-jahaan be-sabaat kaar-e-jahaan be-sabaat Avval o aakhir fanaa baatin o zaahir fanaa Naqsh-e-kuhan ho ki nau manzil-e-aakhir fanaa Hai magar is naqsh men rang-e-sabaat-e-davaam Jis ko kiyaa ho kisee mard-e-khuda ne tamaam Mard-e-khuda kaa amal ishq se saahab farogh Ishq hai asl-e-hayaat maut hai us par haraam Tund o subuk-sair hai garche zamaane kee rau Ishq khud ik sail hai sail ko letaa hai thaam Ishq kee taqveem men asr-e-ravaan ke sivaa Aur zamaane bhee hain jin kaa nahin koi naam Ishq dam-e-jibra.eel ishq dil-e-mustafaa Ishq khuda kaa rasool ishq khuda kaa kalaam Ishq kee mastee se hai paikar-e-gil taabnaak Ishq hai sahbaa-e-khaam ishq hai kaas-ul-karaam Ishq faqeeh-e-haram ishq ameer-e-junooud Ishq hai ibnus-sabeel is ke hazaaron maqaam Ishq ke mizraab se naghma-e-taar-e-hayaat Ishq se noor-e-hayaat ishq se naar-e-hayaat Ai haram-e-qurtuba ishq se teraa vajood Ishq saraapaa davaam jis men nahin raft o buud Rang ho yaa khisht o sang chang ho yaa harf o saut Mojaza-e-fan kee hai khoon-e-jigar se numood Qatra-e-khoon-e-jigar sil ko banaataa hai dil Khoon-e-jigar se sadaa soz o suroor o surood Teree fazaa dil-faroz meree navaa seena-soz Tujh se dilon kaa huzoor mujh se dilon kee kushood Arsh-e-mo.allaa se kam seena-e-aadam nahin Garche kaf-e-khaak kee had hai sip.har-e-kabood Paikar-e-nooree ko hai sajda mayassar to kya Us ko mayassar nahin soz-o-gudaaz-e-sajood Kaafir-e-hindi hoon main dekh miraa zauq o shauq Dil men salaat o durood lab pe salaat o durood Shauq miree lai men hai shauq miree nai men hai Naghma-e-allaah-hoo mere rag-o-pai men hai Teraa jalaal o jamaal mard-e-khuda kee daleel Vo bhee jaleel o jameel too bhee jaleel o jameel Teree binaa paa.edaar tere sutoon be-shumaar Shaam ke sahraa men ho jaise hujoom-e-nukheel Tere dar-o-baam par vaadee-e-aiman kaa nuur Teraa minaar-e-buland jalva-gah-e-jibra.eel MiT nahin saktaa kabhi mard-e-musalmaan ki hai Us kee azaanon se faash sirr-e-kaleem-o-khaleel Us kee zameen be-hudood us kaa ufuq be-saghoor Us ke samundar kee mauj dajla o danyoob o niil Us ke zamaane ajiib us ke fasaane ghareeb Ahd-e-kuhan ko diyaa us ne payaam-e-raheel Saaqi-e-rabaab-e-zauq faaras-e-maidaan-e-shauq Baada hai us kaa raheeq tegh hai us kee asiil Mard-e-sipaahee hai wo us kee zirah laa-ilaah Saaya-e-shamsheer men us kee panah laa-ilaah Tujh se huaa aashkaar banda-e-momin kaa raaz Us ke dinon kee tapish us kee shabon kaa gudaaz Us kaa maqaam-e-buland us kaa khayaal-e-azeem Us kaa suroor us kaa shauq us kaa niyaaz us kaa naaz Haath hai allaah kaa banda-e-momin kaa haath Ghaalib o kaar-aafreen kaar-kushaa kaarsaaz Khaakee o nooree-nihaad banda-e-maulaa-sifaat Har do-jahaan se ghanee us kaa dil-e-be-niyaaz Us kee umeeden qaleel us ke maqaasid jaleel Us kee adaa dil-fareb us kee nigah dil-navaaz Aaj bhee is des men aam hai chashm-e-ghazaal Aur nigaahon ke tiir aaj bhee hain dil-nasheen Boo-e-yaman aaj bhee us kee havaaon men hai Rang-e-hijaaz aaj bhee us kee navaaon men hai Deeda-e-anjum men hai teree zameen aasmaan Aah ki sadiyon se hai teree fazaa be-azaan Kaun see vaadee men hai kaun see manzil men hai Ishq-e-balaa-khez kaa qaafla-e-sakht-jaan Dekh chukaa almanee shorish-e-islaah-e-deen Jis ne na chhoDe kaheen naqsh-e-kuhan ke nishaan Harf-e-ghalat ban ga.ee ismat-e-peer-e-kunisht Aur huee fikr kee kashti-e-naazuk ravaan Chashm-e-faraansees bhee dekh chukee inqalaab Jis se digar-goon huaa maghrabiyon kaa jahaan Millat-e-roomee-nizhaad kohna-parastee se piir Lazzat-e-tajdeeda se wo bhee huee phir javaan Rooh-e-musalmaan men hai aaj vahee iztiraab Raaz-e-khudaai hai ye kah nahin saktee zabaan Narm dam-e-guftugoo garm dam-e-justujoo Razm ho yaa bazm ho paak-dil o paak-baaz Nuqta-e-parkaar-e-haq mard-e-khuda kaa yaqeen Aur ye aalam tamaam vahm o tilism o majaaz Aql kee manzil hai wo ishq kaa haasil hai wo Halqa-e-aafaaq men garmi-e-mahfil hai wo Kaaba-e-arbaab-e-fan satvat-e-deen-e-mubeen Tujh se haram martabat undulusiyon kee zameen Hai tah-e-gardoon agar husn men teree nazeer Qalb-e-musalmaan men hai aur nahin hai kaheen Aah wo mardaan-e-haq wo arabee shahsavaar Haamil-e-khalq-e-azeem saahab-e-sidq-o-yaqeen Jin kee hukoomat se hai faash ye ramz-e-ghareeb Saltanat-e-ahl-e-dil faqr hai shaahee nahin Jin kee nigaahon ne kee tarbiyat-e-sharq-o-gharb Zulmat-e-europe men thee jin kee khirad-raah-been Jin ke lahoo ke tufail aaj bhee hain undulusee Khush-dil o garam-ikhtilaat saada o raushan-jabeen Dekhiye is bahr kee tah se uchhaltaa hai kya Gumbad-e-neelofaree rang badaltaa hai kya Vaadi-e-koh-saar men gharq-e-shafaq hai sahaab Laal-e-badakhshaan ke Dher chhoD gaya aaftaab Saada o pur-soz hai dukhtar-e-dahqaan kaa giit Kashtee-e-dil ke liye sail hai ahd-e-shabaab Aab-e-ravaan-e-kabeer tere kinaare koi Dekh raha hai kisee aur zamaane kaa khvaab Aalam-e-nau hai abhee parda-e-taqdeer men Meree nigaahon men hai us kee sahar be-hijaab Parda uThaa duun agar chehra-e-afkaar se Laa na sakegaa farang meree navaaon kee taab Jis men na ho inqalaab maut hai wo zindagee Rooh-e-umam kee hayaat kashmakash-e-inqilaab Soorat-e-shamsheer hai dast-e-qazaa men wo qaum Kartee hai jo har zamaan apne amal kaa hisaab Naqsh hain sab naa-tamaam khoon-e-jigar ke baghair Naghma hai sauda-e-khaam khoon-e-jigar ke baghair Silsila-e-roz-o-shab naqsh-gar-e-hadsat Silsila-e-roz-o-shab asl-e-hayat-o-mamat Silsila-e-roz-o-shab tar-e-harir-e-do-rang Jis se banati hai zat apni qaba-e-sifat Silsila-e-roz-o-shab saz-e-azal ki fughan Jis se dikhati hai zat zer-o-bam-e-mumkinat Tujh ko parakhta hai ye mujh ko parakhta hai ye Silsila-e-roz-o-shab sairafi-e-kaenat Tu ho agar kam ayar main hun agar kam ayar Maut hai teri baraat maut hai meri baraat Tere shab-o-roz ki aur haqiqat hai kya Ek zamane ki rau jis mein na din hai na raat Aani-o-fani tamam mojaza-ha-e-hunar Kar-e-jahan be-sabaat kar-e-jahan be-sabaat Awwal o aaKHir fana baatin o zahir fana Naqsh-e-kuhan ho ki nau manzil-e-aKHir fana Hai magar is naqsh mein rang-e-sabaat-e-dawam Jis ko kiya ho kisi mard-e-KHuda ne tamam Mard-e-KHuda ka amal ishq se sahab farogh Ishq hai asl-e-hayat maut hai us par haram Tund o subuk-sair hai garche zamane ki rau Ishq KHud ek sail hai sail ko leta hai tham Ishq ki taqwim mein asr-e-rawan ke siwa Aur zamane bhi hain jin ka nahin koi nam Ishq dam-e-jibrail ishq dil-e-mustafa Ishq KHuda ka rasul ishq KHuda ka kalam Ishq ki masti se hai paikar-e-gil tabnak Ishq hai sahba-e-KHam ishq hai kas-ul-karam Ishq faqih-e-haram ishq amir-e-junuud Ishq hai ibnus-sabil is ke hazaron maqam Ishq ke mizrab se naghma-e-tar-e-hayat Ishq se nur-e-hayat ishq se nar-e-hayat Ai haram-e-qurtuba ishq se tera wajud Ishq sarapa dawam jis mein nahin raft o bud Rang ho ya KHisht o sang chang ho ya harf o saut Mojaza-e-fan ki hai KHun-e-jigar se numud Qatra-e-KHun-e-jigar sil ko banata hai dil KHun-e-jigar se sada soz o surur o surud Teri faza dil-faroz meri nawa sina-soz Tujh se dilon ka huzur mujh se dilon ki kushud Arsh-e-moalla se kam sina-e-adam nahin Garche kaf-e-KHak ki had hai siphar-e-kabud Paikar-e-nuri ko hai sajda mayassar to kya Us ko mayassar nahin soz-o-gudaz-e-sajud Kafir-e-hindi hun main dekh mera zauq o shauq Dil mein salat o durud lab pe salat o durud Shauq meri lai mein hai shauq meri nai mein hai Naghma-e-allah-hu mere rag-o-pai mein hai Tera jalal o jamal mard-e-KHuda ki dalil Wo bhi jalil o jamil tu bhi jalil o jamil Teri bina paedar tere sutun be-shumar Sham ke sahra mein ho jaise hujum-e-nuKHil Tere dar-o-baam par wadi-e-aiman ka nur Tera minar-e-buland jalwa-gah-e-jibrail MiT nahin sakta kabhi mard-e-musalman ki hai Us ki azanon se fash sirr-e-kalim-o-KHalil Us ki zamin be-hudud us ka ufuq be-saghur Us ke samundar ki mauj dajla o danyub o nil Us ke zamane ajib us ke fasane gharib Ahd-e-kuhan ko diya us ne payam-e-rahil Saqi-e-rabab-e-zauq faras-e-maidan-e-shauq Baada hai us ka rahiq tegh hai us ki asil Mard-e-sipahi hai wo us ki zirah la-ilah Saya-e-shamshir mein us ki panah la-ilah Tujh se hua aashkar banda-e-momin ka raaz Us ke dinon ki tapish us ki shabon ka gudaz Us ka maqam-e-buland us ka KHayal-e-azim Us ka surur us ka shauq us ka niyaz us ka naz Hath hai allah ka banda-e-momin ka hath Ghaalib o kar-afrin kar-kusha karsaz KHaki o nuri-nihad banda-e-maula-sifat Har do-jahan se ghani us ka dil-e-be-niyaz Us ki umiden qalil us ke maqasid jalil Us ki ada dil-fareb us ki nigah dil-nawaz Aaj bhi is des mein aam hai chashm-e-ghazal Aur nigahon ke tir aaj bhi hain dil-nashin Bu-e-yaman aaj bhi us ki hawaon mein hai Rang-e-hijaz aaj bhi us ki nawaon mein hai Dida-e-anjum mein hai teri zamin aasman Aah ki sadiyon se hai teri faza be-azan Kaun si wadi mein hai kaun si manzil mein hai Ishq-e-bala-KHez ka qafla-e-saKHt-jaan Dekh chuka almani shorish-e-islah-e-din Jis ne na chhoDe kahin naqsh-e-kuhan ke nishan Harf-e-ghalat ban gai ismat-e-pir-e-kunisht Aur hui fikr ki kashti-e-nazuk rawan Chashm-e-faransis bhi dekh chuki inqalab Jis se digar-gun hua maghrabiyon ka jahan Millat-e-rumi-nizhad kohna-parasti se pir Lazzat-e-tajdida se wo bhi hui phir jawan Ruh-e-musalman mein hai aaj wahi iztirab Raaz-e-KHudai hai ye kah nahin sakti zaban Narm dam-e-guftugu garm dam-e-justuju Razm ho ya bazm ho pak-dil o pak-baz Nuqta-e-parkar-e-haq mard-e-KHuda ka yaqin Aur ye aalam tamam wahm o tilism o majaz Aql ki manzil hai wo ishq ka hasil hai wo Halqa-e-afaq mein garmi-e-mahfil hai wo Kaba-e-arbab-e-fan satwat-e-din-e-mubin Tujh se haram martabat undulusiyon ki zamin Hai tah-e-gardun agar husn mein teri nazir Qalb-e-musalman mein hai aur nahin hai kahin Aah wo mardan-e-haq wo arabi shahsawar Hamil-e-KHalq-e-azim sahab-e-sidq-o-yaqin Jin ki hukumat se hai fash ye ramz-e-gharib Saltanat-e-ahl-e-dil faqr hai shahi nahin Jin ki nigahon ne ki tarbiyat-e-sharq-o-gharb Zulmat-e-europe mein thi jin ki KHirad-rah-bin Jin ke lahu ke tufail aaj bhi hain undulusi KHush-dil o garam-iKHtilat sada o raushan-jabin Dekhiye is bahr ki tah se uchhalta hai kya Gumbad-e-nilofari rang badalta hai kya Wadi-e-koh-sar mein gharq-e-shafaq hai sahab Lal-e-badaKHshan ke Dher chhoD gaya aaftab Sada o pur-soz hai duKHtar-e-dahqan ka git Kashti-e-dil ke liye sail hai ahd-e-shabab Aab-e-rawan-e-kabir tere kinare koi Dekh raha hai kisi aur zamane ka KHwab Aalam-e-nau hai abhi parda-e-taqdir mein Meri nigahon mein hai us ki sahar be-hijab Parda uTha dun agar chehra-e-afkar se La na sakega farang meri nawaon ki tab Jis mein na ho inqalab maut hai wo zindagi Ruh-e-umam ki hayat kashmakash-e-inqilab Surat-e-shamshir hai dast-e-qaza mein wo qaum Karti hai jo har zaman apne amal ka hisab Naqsh hain sab na-tamam KHun-e-jigar ke baghair Naghma hai sauda-e-KHam KHun-e-jigar ke baghair