mataa e be bahaa hai dard o soz e aarzuumandii

Mataa-e-be-bahaa hai dard-o-soz-e-aarzoomandee Maqaam-e-bandagee de kar na luun shaan-e-khudaavandee Tire aazaad bandon kee na ye Dunya na wo Dunya Yahaan marne kee paabandee vahaan jiine kee paabandee Hijaab ikseer hai aavaara-e-koo-e-mohabbat ko Miree aatish ko bhaDkaatee hai teree der-paivandee Guzar-auqaat kar letaa hai ye koh o bayaabaan men Ki shaaheen ke liye zillat hai kaar-e-aashiyaan-bandee Ye faizaan-e-nazar thaa yaa ki maktab kee karaamat thee Sikhaa.e kis ne ismaa.eel ko aadaab-e-farzandee Ziyaarat-gaah-e-ahl-e-azm-o-himmat hai lahad meree Ki khaak-e-raah ko main ne bataayaa raaz-e-alvandee Miree mashshaatgee kee kya zaroorat husn-e-ma.anee ko Ki fitrat khud-ba-khud kartee hai laale kee hinaa-bandee