mirzaa gaalib fikr e insaan par tirii hasti se ye raushan huaa

Fikr-e-insaan par tiree hastee se ye raushan huaa Hai par-e-murgh-e-takhayyul kee rasaa.ee taa-kujaa Thaa saraapaa ruuh too bazm-e-sukhan paikar tiraa Zeb-e-mahfil bhee raha mahfil se pinhaan bhee raha Diid teree aankh ko us husn kee manzoor hai Ban ke soz-e-zindagee har shai men jo mastoor hai Mahfil-e-hastee tiree barbat se hai sarmaaya-daar Jis tarah naddee ke naghmon se sukoot-e-kohsaar Tere firdaus-e-takhayyul se hai qudrat kee bahaar Teree kisht-e-fikr se ugte hain aalam sabza-vaar Zindagee muzmar hai teree shokhi-e-tahreer men Taab-e-goyaa.ee se jumbish hai lab-e-tasveer men Nutq ko sau naaz hain tere lab-e-ejaaz par Mahv-e-hairat hai surayyaa rif.at-e-parvaaz par Shaahid-e-mazmoon tasadduq hai tire andaaz par Khanda-zan hai ghuncha-e-dillee gul-e-sheeraaz par Aah too ujDee huee dillee men aaraameeda hai Gulshan-e-veemar men teraa ham-navaa khvaabeeda hai Lutf-e-goyaa.ee men teree ham-saree mumkin nahin Ho takhayyul kaa na jab tak fikr-e-kaamil ham-nasheen Haa.e ab kya ho ga.ee hindostaan kee sar-zameen Aah ai nazzaara-aamoz-e-nigaah-e-nukta-been Gesu-e-urdoo abhee minnat-pazeer-e-shaana hai Sham.a ye sauda.i-e-dil-sozi-e-parvaana hai Ai jahaanaabaad ai gahvaara-e-ilm-o-hunar Hain saraapaa naala-e-khaamosh tere baam dar Zarre zarre men tire khvaabeeda hain shams o qamar Yuun to posheeda hain teree khaak men laakhon guhar Dafn tujh men koi fakhr-e-rozgaar aisa bhee hai Tujh men pinhaan koi motee aabdaar aisa bhee hai Fikr-e-insan par teri hasti se ye raushan hua Hai par-e-murgh-e-taKHayyul ki rasai ta-kuja Tha sarapa ruh tu bazm-e-suKHan paikar tera Zeb-e-mahfil bhi raha mahfil se pinhan bhi raha Did teri aankh ko us husn ki manzur hai Ban ke soz-e-zindagi har shai mein jo mastur hai Mahfil-e-hasti teri barbat se hai sarmaya-dar Jis tarah naddi ke naghmon se sukut-e-kohsar Tere firdaus-e-taKHayyul se hai qudrat ki bahaar Teri kisht-e-fikr se ugte hain aalam sabza-war Zindagi muzmar hai teri shoKHi-e-tahrir mein Tab-e-goyai se jumbish hai lab-e-taswir mein Nutq ko sau naz hain tere lab-e-ejaz par Mahw-e-hairat hai surayya rifat-e-parwaz par Shahid-e-mazmun tasadduq hai tere andaz par KHanda-zan hai ghuncha-e-dilli gul-e-shiraaz par Aah tu ujDi hui dilli mein aaramida hai Gulshan-e-wimar mein tera ham-nawa KHwabida hai Lutf-e-goyai mein teri ham-sari mumkin nahin Ho taKHayyul ka na jab tak fikr-e-kaamil ham-nashin Hae ab kya ho gai hindostan ki sar-zamin Aah ai nazzara-amoz-e-nigah-e-nukta-bin Gesu-e-urdu abhi minnat-pazir-e-shana hai Shama ye saudai-e-dil-sozi-e-parwana hai Ai jahanabaad ai gahwara-e-ilm-o-hunar Hain sarapa nala-e-KHamosh tere baam dar Zarre zarre mein tere KHwabida hain shams o qamar Yun to poshida hain teri KHak mein lakhon guhar Dafn tujh mein koi faKHr-e-rozgar aisa bhi hai Tujh mein pinhan koi moti aabdar aisa bhi hai