mujhe aah o fugaan e niim shab kaa phir payaam aayaa

Mujhe aah-o-fughaan-e-neem-shab kaa phir payaam aayaa Tham ai rah-rau ki shaayad phir koee mushkil maqaam aayaa Zaraa taqdeer kee gahraa.iyon men Doob jaa too bhee Ki is jangaah se main ban ke tegh-e-be-niyaam aayaa Ye misraa likh diyaa kis shokh ne mehraab-e-masjid par Ye naadaan gir ga.e sajdon men jab vaqt-e-qayaam aayaa Chal ai meree ghareebee kaa tamaashaa dekhne vaale Wo mahfil uTh ga.ee jis dam to mujh tak daur-e-jaam aayaa Diyaa 'iqbaal' ne hindee musalmaanon ko soz apna Ye ik mard-e-tan-aasaan thaa tan-aasaanon ke kaam aayaa Usee 'iqbaal' kee main justujoo kartaa raha barson BaDee muddat ke ba.ad aakhir wo shaaheen zer-e-daam aayaa