na aate hamen is men takraar kya thii
— Allama Iqbal
Na aate hamen is men takraar kya thee
Magar va.ada karte hue aar kya thee
Tumhaare payaamee ne sab raaz kholaa
Khataa is men bande kee sarkaar kya thee
Bharee bazm men apne aashiq ko taaDaa
Tiree aankh mastee men hushyaar kya thee
Ta.ammul to thaa un ko aane men qaasid
Magar ye bataa tarz-e-inkaar kya thee
Khinche khud-bakhud jaanib-e-toor muusaa
Kashish teree ai shauq-e-deedaar kya thee
Kaheen zikr rahtaa hai 'iqbaal' teraa
Fusoon thaa koee teree guftaar kya thee